قر پرەمەر-ءمينيسترى باقىتجان ساعىنتاەۆ.

باقىتجان ساعىنتاەۆ ءماجىلىس وتىرىسىندا ازىق-تۇلىك باعاسىنىڭ قىمباتتاۋىنا بايلانىستى مالىمدەمە جاسادى.

«قانت باعاسىنىڭ قىمباتتاعانىن وزدەرىڭىز كورىپ وتىرسىزدار. ءبىز 500 مىڭ توننا قانت پايدالانامىز. ونىڭ 50-60 تونناسىن عانا ءوزىمىز وندىرەمىز. رەسەي فەدەراتسياسىمەن كەلىسىمگە كەلگەنبىز. بىراق بيىل رەسەيدە قىزىلشا ءونىمى بىتىك شىقپادى. سول سەبەپتى ولاردا دا ءدال وسىنداي جاعداي ورىن الۋدا. ءبىر سوزبەن ايتقاندا ءبىز وسى ينفلياتسيانى، قىمباتشىلىقتى رەسەيدەن يمپورتتاپ جاتىرمىز» - دەدى ساعىنتاەۆ.

قازان ايىنىڭ باسىندا اۋىلشارۋاشىلىعى مينيسترلىگى جەرگىلىكتى بيلىك وكىلدەرىنە قانت قورىن ۇلعايتۋدى سۇراعان. مينيسترلىك مالىمەتىنشە، الەۋمەتتىك ماڭىزعا يە تاۋارلار اراسىندا ءبىرىنشى كەزەكتە قانت، كۇرىش، قىرىققابات جانە كۇنباعىس مايى قىمباتتاعان.

"The Qazaq Times"