اقسۋ قانت زاۋىتىندا اراداعى ون جىلدىق ۇزىلىستەن كەيىن العاشقى قانت الىندى. بۇل تۋرالى كەشە وبلىس اكىمى اماندىق باتالوۆتىڭ اقسۋ اۋدانىنا بارعان جۇمىس ساپارىندا بەلگىلى بولدى، دەپ حابارلايدى وبلىس اكىمدىگىنىڭ ءباسپاسوز قىزمەتى.

قازىر اقسۋ قانت زاۋىتىنا قانت قىزىلشاسى اقسۋ، سارقان، الاكول اۋداندارىنان جەتكىزىلۋدە. قازىرگى كەزدە كاسىپورىننىڭ قىزىلشا جيناقتاۋ الاڭىندا 80 مىڭ توننا ءتاتتى ءتۇبىر جاتىر. بۇگىنگى كۇنى زاۋىت 2 مىڭ توننا شيكىزات وڭدەپ، العاشقى قانتىن الدى.

«اقسۋ قانت» جشس-نىڭ اتقارۋشى ديرەكتورى ساكەن مۇراتوۆتىڭ ايتۋىنشا، زاۋىتتا جاسالعان جوندەۋ جۇمىستارىنىڭ ناتيجەسىندە قانت قىزىلشاسىن وڭدەۋ مەن قانت شىعارۋدى باستاۋ جۇمىستارىنىڭ جۇيەسى ىسكە قوسىلدى. كەلەر جىلدان باستاپ نەگىزگى جانە قوسالقى وندىرىستەردى كەزەڭ-كەزەڭىمەن جاڭعىرتۋ جۇمىستارى باستالادى، قۋاتتىلىعى 5 مەگاۆاتتىق جاڭا جىلۋ-ەلەكتر ورتالىعى پايدالانۋعا بەرىلەدى، زاماناۋي جىلۋ قازاندىقتارى مەن تۋربوگەنەراتورلار ورناتىلادى. سول سياقتى تەحنولوگيالىق پروتسەستەردى اۆتوماتتاندىرۋ جۇمىسى ودان ءارى جالعاستىرىلىپ، سوڭعى 3 جىلدا زاۋىتتىڭ وندىرىستىك قۋاتتىلىعى ارتپاق.

جالپى كاسىپورىن جىل بويى 300-350 مىڭ تونناعا دەيىن قانت قىزىشاسىن وڭدەيتىن قۋاتقا يە.

بيىلعى ماۋسىمدا 80 مىڭ تونناعا دەيىن قانت قىزىلشاسىن وڭدەپ، 6 مىڭ توننا قانت الۋ جوسپارلانىپ وتىر. بيىلعى جىلدىڭ قىركۇيەك ايىنان بەرى زاۋىتقا قانت قىزىلشاسىن قابىلداۋ جالعاسىپ جاتىر.

“The Qazaq Times”