باتىستىق «ديەتا» نەلىكتەن سەمىزدىككە اپارادى

ستەيك، گامبۋرگەر جانە وزگە دە باتىس اسحاناسىنداعى تاعامدارمەن ءجيى تاماقتاناتىن ادام سەمىزدىككە ۇرىناتىنى بەلگىلى. ونىڭ سەبەبىن «Physiology & Behavior» جۋرنالى بىلاي دەپ ءتۇسىندىردى: «ميدىڭ رەتسەپتورلارىنا ەسىرتكى قالاي اسەر ەتسە، باتىس اسحاناسى تاعامدارىنىڭ  دەنە  ەنەرگەتيكالىق بالانسىنا دا سونداي اسەرى بار».

سونداي-اق، «ءبىزدىڭ زەرتتەۋ جۇمىستارىمىزدىڭ ناتيجەسىندە،  مولشەرىنەن كوپ تاماقتانۋ مەن سەمىزدىكتى ەمدەۋدە ەڭ قاۋىپسىز ءتاسىل رەتىندە پەريفەريالىق جۇيكە جۇيەسىندەگى كاننابيويدا رەتسەپتورلار جۇمىسىن توقتاتۋدى ۇسىنامىز. سەمىزدىككە قارسى ءتۇرلى ءدارى-دارمەككە قاراعاندا، ميعا جاناما  اسەر ەتەتىن وسى ءتاسىلىمىز الدەقايدا ارتىق دەپ ەسەپتەيمىن»، – دەپ حابارلايدى  ريۆەرسايداعى (اقش) كاليفورنيا ۋنيۆەرسيتەتىنىڭ مامانى  نيكولاس دي پاتريتسيو (Nicholas DiPatricio).

دي پاتريتسيو مەن ارىپتەسى دونوۆان ارگۋەتا (Donovan Agrueta)  تىشقاندارعا تاجىريبە جاساپ كوردى. ولار  2 اي بويى كوپ مولشەردە مايلى جانە قانتتى تاعامداردى جەگەن تىشقانداردىڭ  قيمىلىنا، دەنساۋلىعى مەن مي بۇلشىق ەتتەرىنە نازار اۋداردى.

انىقتالعانداي، بۇنداي ديەتا تىشقانداردى  جاي  سەمىزدىككە عانا ەمەس، «گيپەرفاگيا» اتالاتىن تۇسىنىكسىز قۇبىلىستىڭ دامىعانىن ايتادى. ياعني، ىشەك پەن قانداعى «ەندوكاننابينويدتار»  اتالاتىن كونتسەنتراتسيا كۇرت وسكەن.

ەندوگەندى كاننابيويد دەگەنىمىز – ورگانيزمنىڭ ءوزى ازداعان مولشەردە  سينتەزدەيتىن،  قۇرامىندا ەسىرتكىسى بار زاتتاردىڭ انالوگى. وسى انالوگتەرگە اسەر ەتەتىن كوپتەگەن جۇيكە جاسۋشالارى مەن رەتسەپتورلار كەڭىردەكتە ورنالاسقان.

گامبۋرگەرلەر، ستەيكتەر، وزگە دە مايلى جانە ءتاتتى باتىستىق  تاعامدار ادام ورگانيزمىنە، كوپ مولشەردە  ەندوكاننابيويدتى  كۇشتەپ ەندىرتىپ، اسەر ەتەدى.

جاقىن ۋاقىتتا دي پاتريتسيو مەن ارگۋەتا جوعارىدا اتالعان ەندوكاننابينويدتەردىڭ وندىرىلۋىنە نە اسەر ەتىپ جاتقاندىعىن جانە بۇل رەاكتسيانى باسقارۋشى قانداي گەن ەكەندىگىن انىقتاماق.