عالىمدار: ادامنىڭ سالماعى جۇرەك-قان تامىرلارى اۋرۋلارىنا بايلانىستى

«امەريكالىق عالىمداردىڭ ويىنشا، ادامنىڭ بويىنداعى ارتىق سالماق،  جۇرەك-قان تامىرلارى اۋرۋلارىمەن تىكەلەي بايلانىستى»، – دەيدى Naked-science. زەرتتەۋ ناتيجەلەرىن Obesity جۋرنالىندا جاريالادى.

ارتىق سالماق – جۇرەك-قان تامىرلارى اۋرۋلارىنىڭ پايدا بولۋىنا اسەر ەتەتىن بىردەن-ءبىر فاكتور. الايدا، ادامنىڭ پسيحيكالىق جاعدايىنىڭ سەمىزدىككە قانداي قاتىسى بار ەكەنى بەلگىسىز بولعان. وسى ۋاقىتقا دەيىن جاساعان تاجىريبەلەرىندە عالىمدار، ستيگماتيزاتسيانىڭ جۇمىس ىستەۋدى قيىنداتاتىنىن (جالقاۋلىق پەن ءوز ەركىنسىز), سونىمەن قاتار ءوزىن-ءوزى باعالاماۋ، ۋايىمشىلدىق پەن دەپرەسسياعا اكەلىپ سوعاتىن پروتسەسس ەكەنىن انىقتاعان.

سونداي-اق، ادامنىڭ سالماعى ونىڭ دەنساۋلىعىنا قانداي اسەر ەتەتىندىگىن انىقتاۋ ءۇشىن، پەنسيلۆان ۋنيۆەرسيتەتىنىڭ عالىمدار 21-65 جاس ارالىعىنداعى 159 ادامعا تاجىريبە جاساپ كوردى. اۆتورلار سالماقتارى ءارتۇرلى  بولاتىن ادامداردى سالىستىردى.

اناليز قورىتىندىسى بويىنشا، تولىق ادامداردا ستيگماتيزاتسيالانعان ادامدارعا قاراعاندا تريگليتسەريننىڭ كوبەيۋ قاۋپى 6 ەسە تومەن. ياعني بۇنداي ورگانيزمدەردە، سالىستىرمالى تۇردە، مەتابوليكالىق سيندروم ەكى ەسە جوعارى بولادى. ارتىق سالماقتاعى ادامداردىڭ وزىنە سەنىمسىز جانە وزدەرىن تومەن باعالايدى ەكەن. ونىڭ ۇستىنە بۇل تەندەنتسيا وزگە كورسەتكشتەرمەن دە تىكەلەي بايلانىستى: مىسالى، جاسقا، جىنىسقا، الەۋمەتتىك جاعدايىنا، ت.ب.

عالىمداردىڭ پايىمداۋىنشا، الىنعان بۇل دەرەكتەر – اسا قاۋىپتى جاعداياتتارعا اكەلىپ سوعۋى مۇمكىن. مىسالى، سترەسس نەمەسە دەپرەسسيا سەمىزدىك اۋرۋىنىڭ تۋىنداۋىنا سەبەپشى بولادى. عالىمدار اتالمىش ماسەلەنى تەرەڭىرەك زەرتتەۋدى جالعاستىراتىندىقتارىن ايتتى.

"The Qazaq Times"