اقش پالەستينا قۇرباندارىنىڭ وتباسىنا بەرىلەتىن كومەكتى توقتاتىپ تاستادى

اقش سەناتىندا پالەستيناعا بەرىلەتىن كومەكتى توقتاتۋ تۋرالى زاڭ جوباسى ماقۇلداندى. زاڭ جوباسى 4-كە قارسى 17 داۋىسپەن ماقۇلدانعان. پالەستينا جاق يزرايل اسكەرلەرى جاعىنان شەيىت بولعان نەمەسە يزرايل تۇرمەسىندەگى تۇتقىندارىڭ وتباسىنا ماتەريالدىق كومەكتەرىن توقتاتقانعا دەيىن، پالەستيناعا اتالعان كومەكتى توقتاتۋدى كوزدەگەن. بۇل تۋرالى «اناتولى» اقپاراتتىق اگەنتتىگىنىڭ سايتى حابارلايدى.

سەناتتىڭ سىرتقى بايلانىستار كوميتەتىندە ماقۇلدانعان بۇل زاڭ جوباسىنا، بىلتىرعى جىلى تەل-اۆيۆتە قازا تاپقان امەريكالىق ستۋدەنت تەيلور فورستىڭ اتى بەرىلدى. ءارى، وزگە ەلدەرگە دە پالەستيناعا كومەك بەرمەۋ تۋرالى ۇندەۋ تاستادى.

اقش-تاعى پالەستينا وكىلى زاڭ جوباسىن جالعان مالىمەتتەرگە تولىپ، قايشىلىق تۋدىراتىن زاڭ جوباسى دەپ ايىپتادى. ول: «پالەستيناعا جاسالاتىن كومەك 52 جىلدان بەرى جالعاسىپ كەلەدى. بۇل كومەكتىڭ ءبارى دە يزرايل جاعىنان جازىقسىز قامالعان جانە ولتىرىلگەن قۇربانداردىڭ وتباسىنا بەرىلەدى. بۇل الەۋمەتتىك قىزمەت»، – دەدى.

اقش-تىڭ 2018 جىلعى بيۋدجەتىندە شىعىس شەريا جانە گازا ءوڭىرىنىڭ ەكونوميكالىق دامۋى ءۇشىن 260 ملن اقش دوللارى بولىنگەن بولاتىن.

“The Qazaq Times”