"حاماس" ۇيىمىنىڭ جوعارى جەتەكشىلەرىنىڭ ءبىرى يزرايلمەن جاقىن ارادا وق اتىسپاۋ تۋرالى كەلىسىمگە قول قوياتىندارىن مالىمدەدى. الايدا، قازىرگى كەزدىڭ وزىندە قاقتىعىس جالعاسىپ جاتىر. 

گازانى باقىلاۋىندا ۇستاعان ۇيىمنىڭ رەسميى مۇسا ابۋ مارزۋك مالىمدەمەسىندە تاراپتاردىڭ كەلىسىمگە كەلۋدى ورتاق قالاپ تۇرعانىن ايتقان.

دەگەنمەن، كەشە،  19 مامىردا يزرايل پەرەمەرى بەنيامين نەتانياحۋ ەل حالقىنىڭ قاۋىپسىزدىگى قامتاماسىز ەتىلگەنگە  دەيىن اۋە شابۋىلدارىنىڭ جالعاسا بەرەتىنىن ايتقان بولاتىن.

بۇگىنگى تاڭنىڭ وزىندە گازاداعى "حاماسقا" تيەسىلى دەپ ەسەپتەلگەن جۇزدەگەن عيمارات ەۆرەي ۇشاقتارىنىڭ نىساناسىنا الىندى. پالەستينا تارابى دا قاراپ قالماي زىمىران ارقىلى جاۋاپ قايتاردى.

قازىر حالىقارالىق قاۋىمداستىق قوس تاراپتى بىردەي قىسىمعا الىپ سوعىستى توقتاتۋعا شاقىرىپ جاتىر.

"The Qazaq Times"