بايدەن ءۇن قاتتى: اقش ەۆرەيلەر ءۇشىن ءۇش رەت ۆەتو قۇقىعىن پايدالاندى

پالەستين مەن يزرايل قاقتىعىسى ەكىنشى اپتاعا ۇلاسقاندا بارىپ اقش پرەزيدەنتى جو بايدەن ءۇن قاتتى. ول «حاماس» پەن ءيزرايلدى سوعىستى توقتاتۋعا شاقىرىپ، اقش پەن مىسىر وق اتىسپاۋ كەلىسىمىنە ارا اعايىن بولۋعا ارەكەت ەتىپ جاتقانىن دا ايتتى. بايدەن بۇل شەشىمىن يزرايل پرەمەر-مينيسترىمەن تەلەفون ارقىلى سويلەسكەن كەزدە ورتاعا سالعان.

بىراق، بۇۇ قاۋىپسىزدىك كەڭەسىندە اتىستى توقتاتۋعا شاقىرعان شەشىمىنە اقش تاراى ءوزىنىڭ ۆەتو قۇقىعىن پايدالانىپ قارسى شىقتى. بۇنىمەن اقش بۇۇ قاۋىپسىزدىك كەڭەسىنىڭ يزرايلگە قاتىستى شەشىمىن ءۇشىنشى رەت توقتاتىپ وتىر.

ۋاشينگتوننىڭ شەشىمى قۇىلىپ تۇرعان تۇسا يزرايل اۋە شاۋىلدارىنان گازادا 212 ادام قازا بولدى، ونىڭ 61-ءى بالالار. بۇنىمەن ءبىر ۋاقىتتا يزرايلدەن ەكى بالانى قامتىعان جالپى 10 ادام قازا تاپتى. يزرايل اۋە شاۋىلدارىنان گازاداعى 40-قا جۋىق مەكتەپ پەن اۋرۋحانا جارتىلاي نەمەسە تولىعىمەن قيراعان.

حالىقارالىق ۇيىمدار ءيزرايلدى اۋىر سىننىڭ استىنا الۋدا. سوعان قاراماستان يزرايل مەن اقش سىڭارەزۋلىككە باسىپ وتىر. تەل-اۆيۆ ءوز كەزەگىندە گازادا قازا بولعانداردىڭ باسىم كوپشىلىگى قۇرالدى كۇشتەر ەكەنىن العا تارتۋدا. «حاماس» بولسا بۇل مالىمەتتى تەرىستەيدى.

قالاي دەگەن كۇندە دە يزرايل مەن پالەستين اراسىنداعى جاڭا قاقتىعىس حالىقارالىق قاۋىمداستىق پەن الەم ەلدەرىنىڭ نازارىنا كوبىرەك ءىلىندى. حالىقارالىق ۇيىمدار مەن وزگە دە ەلدەر وڭىردە جاپپاي سوعىستىڭ باستالىپ كەتۋىنەن الاڭدايدى.

“The Qazaq Times”