فوتو: راديو ازاتتىك

بىشكەكتە ءوتىپ جاتقان «التاي وركەنيەتى مەن التاي ءتىلى وتباسى جانە تۋىسقان حالىقتار» حالىقارالىق فورۋمىندا قىرعىزستان پرەزيدەنتى المازبەك اتامباەۆ كيريلل ءالىپبيىن قولداپ ءسوز سويلەدى دەپ حابارلايدى Sputnik قىرعىزستان سايتى.

«كيريلليتسادان كەتۋ حالىقتىڭ وتكەنىمەن بايلانىستىڭ اجىراۋىنا الىپ كەلەدى. وتكەن عاسىردا اراب الىپبيىنەن لاتىن قارپىنە، ودان كيريلليتساعا كوشۋ وراتلىق ازيا ەلدەرىن «التىن عاسىر» مۇرالارىنان ايىرىلىپ قالۋعا اكەلىپ سوقتى. شىڭعىس ايتماتوۆ، مۇحتار اۋەزوۆ سىندى ءبىزدىڭ جازۋشى، عالىمدارىمىزدىڭ بارلىعى كيريلليتسادا جازدى. ولارعا بۇل ءالىپبي قولايلى بولدى. ءيا، دامىعان ەلدەردىڭ بارلىعى لاتىن ءالىپبيىن پايدالانادى. ءبىز دە وعان اۋىسساق ەكونوميكالىق تۇرعىدان داميتىن شىعارمىز. بىراق جاپونيا، كورەيا، قىتاي سىندى ەلدەر لاتىن الىپبيىنە اۋىسپاي اق دامىعان ەلدەردىڭ قاتارىنا كىرىپ وتىر. ەگەردە لاتىن الىپبيىنە اۋىسۋدان دامىپ كەتەتىن بولسا، وندا نەگە افريكا مەملەكەتتەرى ءالى كۇنگە دەيىن كەدەيلىكتەن شىعا الماي كەلەدى» - دەدى المازبەك اتامباەۆ «التاي وركەنيەتى مەن التاي ءتىلى وتباسى جانە تۋىسقان حالىقتار» حالىقارالىق فورۋمىندا سويلەگەن سوزىندە.

ەستەرىڭىزگە سالايىق، ءساۋىر ايىنىڭ ورتاسىندا قازاقستان پرەزيدەنتى نۇرسۇلتان نازارباەۆ ەل ۇكىمەتىنە قازاق ءتىلىن 2025 جىلى لاتىن الىپبيىنە كوشىرۋ ءۇشىن دايىندىق جۇمىستارىن قازىردەن باستاڭدار دەپ تاپسىرما بەرگەن بولاتىن.

ال ماۋسىم ايىندا قىرىمدا وتكەن ليۆاديسك فورۋمىندا رەسەيدىڭ عىلىم جانە ءبىلىم ءمينيسترى ولگا ۆاسيلەۆا تمد ەلدەرىن ءبىر عانا ءالىپبي، ياعني كيريلل الىپبيىنە كوشىرۋ كەرەك دەپ ۇسىنىس جاساعان ەدى.

“The Qazaq Times”