ارگەنتينادا رەكوردتىق اياز تىركەلدى

ارگەنتينانىڭ سان-كارلوس-دە-باريلوچە قالاسىندا تەرمومەتر باعانى 25,4 گرادۋس ايازدى كورسەتىپ، سۋىقتىڭ رەكوردتىق دەڭگەيى ورنادى. بۇل تۋرالى ارگەنتينانىڭ ۇلتتىق مەتەورولوگيالىق ستانتسياسى حابارلادى.

مۇنداي اياز وڭىرگە كەلگەن «عاسىر بورانىنىڭ» اسەرىنەن بولعان. قالانى تۇگەل قار باسىپ، كوشەلەردەگى مۇزدىقتاردىڭ بيىكتىگى 50 سانتيمەترگە دەيىن جەتكەن. قاتتى بوراننان اعاشتار قۇلاپ، جەرگىلىكتى اۋەجايدىڭ جۇمىسى توقتاتىلدى. 25 مىڭعا جۋىق قالا تۇرعىنى جارىقسىز قالدى.

اند تاۋلارىنىڭ ەتەگىندە ورنالاسقان باريلوچە قالاسى وڭتۇستىك امەريكاداعى ەڭ ادەمى تۋريستىك ورتالىقتاردىڭ ءبىر سانالادى. مۇنداي ايازدى اۋا رايى قالادا سوڭعى رەت 1963 جىلى بولعان. ول كەزدە تەمپەراتۋرا كورسەتكىشى 21,1 گرادۋس سىناپ باعاناسىنان تومەن قۇلاپ، بۇرىن-سوڭدى بولماعان سۋىق دەڭگەيى دەپ بەلگىلەنگەن بولاتىن.

“The Qazaq Times”