فوتو: https://google

ارگەنتينانىڭ 88 جاستاعى ەكس-پرەزيدەنتى كارلوس مەنەم قاماۋعا الىندى.

Nacion پورتالىنىڭ حابارلاۋىنشا، ارگەنتينا سوتى كارلوس مەنەمدى جەر تەلىمدەرىن تومەندەتىلگەن باعاعا ساتۋ ارقىلى اقشا جىمقىرعانى ءۇشىن ءۇش جىل توعىز ايعا باس بوستاندىعىنان ايىرعان. ونىمەن بىرگە 3,5 جىلعا ەكس-ەكونوميكا ءمينيسترى دومينگو كاۆالو سوتتالدى. ەندى ەكس-پرەزيدەنتتىڭ مەملەكەتتىك قىزمەتپەن اينالىسۋىنا ماڭگىلىك تىيىم سالىنادى.

1989-1999 جىلدار ارالىعىندا ارگەنتينا پرەزيدەنتى لاۋازىمىن اتقارعان ول 2013 جىلى حورۆاتيا مەن ەكۆادورعا قارۋ-جاراق كونترابانداسىن جەتكىزۋگە كومەكتەسكەنى ءۇشىن جەتى جىلعا سوتتالعان. بىراق، بۇل ۇكىم 2018 جىلى كۇشىن جويعان. مالىمەتتەر بويىنشا، كونتراباندادان بولەك، 1991 جىلى ەلدەگى جەتەكشى اۋىلشارۋاشىلىعى قاۋىمداستىعىنا تومەن باعامەن جەر ساتقان.

"The Qazaq Times"