بۋەنوس-ايرەستە ارگەنتينا بيلىگىنە نارازى حالىق ەرەۋىلگە شىقتى.

Politico باسىلىمىنىڭ حابارلاۋىنشا، جەرگىلىكتى تۇرعىندار قارجى تاپشىلىعىن ايتىپ، ەل پرەزيدەنتى ماۋريسيو ماكري ساياساتىن سىنعا العان. قازىرگى ۋاقىتتا ارگەنتيناداعى ينفلياتسيا 47,6%-عا جەتىپ، ەكونوميكالىق قۇلدىراۋ كەزەڭى باستالعان. ەل ۇكىمەتىنىڭ مالىمدەۋىنشە، جاقىندا قابىلدانعان ەكونوميكاعا قاتىستى جوسپار بيۋدجەت دەفيتسيتىنىڭ كولەمىن ازايتىپ، ينفلياتسيادان شىعۋعا كومەكتەسەدى.

2018 جىلى ارگەنتينادا ينفلياتسيانىڭ كۇرت ارتۋى ۇلتتىق ۆاليۋتانىڭ قۇنسىزدانۋىنا اكەپ سوقتى. مۇنىڭ ارتى دەفولتقا ۇلاسسا، ەكونوميكالىق قۇلدىراۋ باستالادى. سول سەبەپتى ماۋسىمدا ارگەنتينا بيلىگى قارجىلىق داعدارىسپەن كۇرەسىپ، ينۆەستورلاردى تارتۋ ماقساتىندا حالىقارالىق ۆاليۋتا قورىنان 50 ميلليارد دوللار كولەمىندە نەسيە الۋ تۋرالى كەلىسىمگە قول قويعان بولاتىن.

"The Qazaq Times"