پۋتين مەن مادۋرو تەلەفون ارقىلى سويلەستى

رەسەي پرەزيدەنتى ۆلاديمير پۋتين ۆەنەسۋەلا باسشىسى نيكولاس مادۋرومەن تەلەفون ارقىلى سويلەستى.

سويلەسۋ بارىسىندا پۋتين مادۋرونىڭ باسقارۋىنداعى ۆەنەسۋەلا بيلىگىن قولدايتىنىن جانە ەلدىڭ ىشكى ماسەلەلەرىنە سىرتقى كۇشتەردىڭ ارالاسۋى حالىقارالىق زاڭدارعا قايشى ەكەندىگىن ايتقان.

ءوز كەزەگىندە مادۋرو ەلدە بولىپ جاتقان جاعدايلارعا «وتە قاۋىپتى» دەگەن باعا بەرىپ،  ۆلاديمير ءپۋتيننىڭ ۆەنەسۋەلا بيلىگىن قولداعانىنا العىس ايتقان.

ەستەرىڭىزگە سالايىق، 23 قاڭتار كۇنى كاراكاس قالاسىندا نيكولاس مادۋروعا قارسى ۇيىمداستىرىلعان ميتينگىدە وپپوزيتسيالىق پارلامەنت كوشباسشىسى حۋان گۋايدو ءوزىن ۋاقىتشا ۇكىمەت پرەزيدەنتى ەتىپ جاريالاعان. قازىرگى تاڭدا گۋايدونى ليگيتيمدى مەملەكەت باسشىسى رەتىندە اقش، كانادا، برازيليا، چيلي، ارگەنتينا، كولۋمبيا، كوستا-ريكا، گۆاتەمالا، گوندۋراس، پاناما، پاراگۆاي جانە پەرۋ ەلدەرى مويىنداعان.

"The Qazaq Times"