Фото: life.ru

Аргентинаның Сан-Карлос-де-Барилоче қаласында термометр бағаны 25,4 градус аязды көрсетіп, суықтың рекордтық деңгейі орнады. Бұл туралы Аргентинаның Ұлттық метеорологиялық станциясы хабарлады.

Мұндай аяз өңірге келген «ғасыр боранының» әсерінен болған. Қаланы түгел қар басып, көшелердегі мұздықтардың биіктігі 50 сантиметрге дейін жеткен. Қатты бораннан ағаштар құлап, жергілікті әуежайдың жұмысы тоқтатылды. 25 мыңға жуық қала тұрғыны жарықсыз қалды.

Анд тауларының етегінде орналасқан Барилоче қаласы Оңтүстік Америкадағы ең әдемі туристік орталықтардың бір саналады. Мұндай аязды ауа райы қалада соңғы рет 1963 жылы болған. Ол кезде температура көрсеткіші 21,1 градус сынап бағанасынан төмен құлап, бұрын-соңды болмаған суық деңгейі деп белгіленген болатын.

“The Qazaq Times”