فوتو: KazInfo Today

قىرعىزستاندا پرەزيدەنت سايلاۋىنا قاتىسۋشىلار سانى 20-دان استى دەپ حابارلايدى ريا نوۆوۆستي اقپارات اگانتتىگى.

وسى ۋاقىتقا دەيىن قىرعىزستان ورتالىق سايلاۋ كوميسسياسىنا پرەزيدەنتتىككە ءوزىن-ءوزى ۇسىنۋشىلار سانى 19 ادامعا جاتكەن. بۇدان بولەك 3 ادام ساياسي پارتيالار اتىنان سايلاۋعا قاتىسۋعا نيەت بىلدىرگەن.

ەستەرىڭىزگە سالايىق قىرعىزستاندا پرەزيدەنت سايلاۋى 15 قازان كۇنىنە بەلگىلەنگەن بولاتىن. ال ۇمىتكەرلەردى تىركەۋ ءماۋسىمنىڭ 15 كۇنىندە باستالعان ەدى.

پرەزيدەنت سايلاۋىنا قاتىسۋ ءۇشىن ورتالىق سايلاۋ كوميسسياسىنا تىركەۋگە الىنعان ءار ۇمىتكەر تامىزدىڭ 26-نا دەيىن 30 مىڭ قول جيناپ، وسك 1 ميلليون سوم (15 مىڭ دوللار) كولەمىندە قارجىلاي كەپىلدىك بەرۋى ءتيىس.

2011 جىلى وتكەن پرەزيدەنت سايلاۋىنا قاتىسۋعا 83 ادام ءوز كانديداتۋراسىن ۇسىنىپ، ونىڭ 23-نە عانا ماندات بەرىلگەن بولاتىن.

قىرعىزستاندا كونستيتۋتسياعا سايكەس ءبىر ادام پرەزيدەنتتىككە ءبىر رەتتەن ارتىق سايلانا المايدى. وسىعان بايلانىستى قىرعىزستاننىڭ قازىرگى پرەزيدەنتى المازبەك اتامباەۆ بۇل جولعى سايلاۋعا قاتىسا المايدى. ول تمد-داعى وزگە ەلدەردەگىدەي وزىنەن كەيىن مۇراگەر تاستاپ كەتپەيتىنىن بىرنەشە رەت ايتقان.

“The Qazaq Times”