Қырғызстанда президент сайлауына қатысушылар саны 20-дан асты деп хабарлайды РИА нововсти ақпарат аганттігі.

Осы уақытқа дейін Қырғызстан орталық сайлау комиссиясына президенттікке өзін-өзі ұсынушылар саны 19 адамға жаткен. Бұдан бөлек 3 адам саяси партиялар атынан сайлауға қатысуға ниет білдірген.

Естеріңізге салайық Қырғызстанда президент сайлауы 15 қазан күніне белгіленген болатын. Ал үміткерлерді тіркеу маусымнің 15 күнінде басталған еді.

Президент сайлауына қатысу үшін орталық сайлау комиссиясына тіркеуге алынған әр үміткер тамыздың 26-на дейін 30 мың қол жинап, ОСК 1 миллион сом (15 мың доллар) көлемінде қаржылай кепілдік беруі тиіс.

2011 жылы өткен президент сайлауына қатысуға 83 адам өз кандидатурасын ұсынып, оның 23-не ғана мандат берілген болатын.

Қырғызстанда Конституцияға сәйкес бір адам президенттікке бір реттен артық сайлана алмайды. Осыған байланысты Қырғызстанның қазіргі президенті Алмазбек Атамбаев бұл жолғы сайлауға қатыса алмайды. Ол ТМД-дағы өзге елдердегідей өзінен кейін мұрагер тастап кетпейтінін бірнеше рет айтқан.

“The Qazaq Times”