استاناداعى ءسۇريا ماسەلەسى كەلىسسوزى. فوتو: ۆەستنيك كاۆكازا.

بىرىككەن ۇلتتار ۇيىمىنىڭ سۇرياداعى ارنايى وكىلى كوپتەگەن ەلدەر كەپىلگەر بولعان استانا كەلىسىمىنەن كەيىن، ءسۇريانىڭ كوپتەگەن قالالارىندا قاقتىعىستاردىڭ ازايىپ، ەل تۇرمىسىنىڭ قالىپقا تۇسە باستاعانىن مالىمدەدى. بۇل تۋرالى «اناتولى» اقپاراتتىق اگەنتتىگى حابارلاپ وتىر.

بۇۇ-نىڭ سۇرياداعى ارناۋلى وكىلى ستاففان دە ميستۋرانىڭ حابارلاۋىنشا، «قاقتىعىسسىز ايماق» كەلىسىمىنەن كەيىن ءسۇريانىڭ كوپتەگەن قالالارىندا تۇرمىستىڭ قايتا قالىپقا تۇسكەنىن، دەگەنمەن قاقتىعىس تولاستاماعان ايماقتاردىڭ بار ەكەنىن مالىمدەدى.

كەيبىر قالالاردا قاقتىعىستاردىڭ الىدە بولىپ جاتقانىن اتاپ وتكە بۇۇ وكىلى: «ءبىز قازىر تولىققاندى كەلىسسوز ءۇشىن ساياسي ىنتانىڭ بار جوقتىعىن انىقتاۋ ۇستىندەمىز»، – دەپ مالىمدەدى. ول جانە كەلەسى كەلىسسوزدەردىڭ تامىز ايىنىڭ سوڭى نەمەسە قىركۇيەك ايىنىڭ باس شەنىندە بولاتىنىن ايتىپ ءوتتى.

“The Qazaq Times”