ساعىنتاەۆ: «2021 جىلعا قاراي ەكونوميكالىق ءوسىم 5,5%-عا جەتۋ كەرەك»

ء"بىز كەزەڭ-كەزەڭىمەن 2021 جىلعا دەيىن ەكونوميكالىق ءوسىم قارقىنىن  5,5% كولەمىنە جەتكىزۋىمىز كەرەك", – دەدى پرەمەر-مينيستر استانا ەكونوميكالىق فورۋمى اياسىندا سويلگەن سوزىندە.

ونىڭ سوزىنشە، قازاقستان مۇناي باعاسىنا بەيىمدەلە وتىرىپ، ەكونوميكا سەكتورىن قالپىنا كەلتىرۋدى باستايدى.

ايتا كەتەيىك، بۇعان دەيىن ەۋروپالىق قايتا قۇرۋ جانە دامۋ بانكى (ەقدب) قازاقستاننىڭ ەكونوميكالىق وسىمىنە قاتىستى بولجامىن جاريالاعان. سونىمەن بانكتىڭ شىعارعان ناتيجەسىنە سەنسەك، 2018 جىلى ەلىمىزدىڭ ءجالپى ىشكى ءونىمىنىڭ كولەمى 3,5%-دى قۇراماق. ال، وسى جىلعا ارنالعان بولجام -2,4%.

ال قر ۇلتتىق ەكونوميكا ءمينيسترى 16 مامىردا تيمۋر سۇلەيمەنوۆ ۇكىمەت وتىرىسىندا وسى جىلعى ەكونوميكالىق ءوسىمدى 2,5%-عا جەتكىزۋ تۋرالى تاپسىرما العانىن، ال كەشەگى وتىرىستا قازاقستاننىڭ ءجىو-ءىنىڭ ءوسىمى قاڭتار-مامىردا 4,1%-دى قۇراعانىن مالىمدەدى.