قازاقستانداعى «Bank RBK» اق مەن «Qazaq Banki» اق اكتسيونەرلەرى قارجى ينستيتۋتتارىن بىرىكتىرۋ تۋرالى كەلىسسوز جۇرگىزىپ جاتىر. الداعى ۋاقىتتا ەكى بانكتىڭ وكىلدەرى اراسىندا بىرىگۋدىڭ نەگىزى بولاتىن ءوزارا تۇسىنىستىك جونىندەگى مەموراندۋمعا قول قويىلادى. قۇجاتتاردىڭ نەگىزگى قوسىمشاسى ۇلتتىق بانكپەن بەكىتىلدى، دەپ حابارلادى Bank RBK-نىڭ ءباسپاسوز قىزمەتى.
حابارلامادا ايتىلعانداي، بانكتەر بىرىكتىرىلگەننەن كەيىن Bank RBK دەگەن اتاۋعا يە بولادى. بىرىگۋ جۇمىستارى كەزەڭ كەزەڭىمەن جۇرگىزىلەدى جانە جاڭا قۇرىلىمدى باقىلاۋدى ۆلاديمير كيم قولعا الۋى مۇمكىن.
«بانكتەردىڭ كاپيتالدارىن بىرىكتىرۋ ارقىلى بانك سەكتورىنداعى ويىنشىلاردى نىعايتۋ - جاقسى ءارى قۋاتتى بانك قۇرۋ ماقساتىنا جەتۋ جولىندا جاسالاتىن دۇرىس شەشىم. بۇل ەل ەكونوميكاسىن دامىتۋداعى باستى درايۆەر. سوندىقتان Bank RBK مەن Qazaq Banki-ءنىڭ بىرىگۋى ءوزارا تۇسىنىستىكپەن جانە ۇلتتىق بانكتىڭ قولداۋىمەن جاسالىپ وتىر", - دەپ جازىلعان حابارلامادا «Bank RBK» اق-نىڭ باسقارما توراعاسى يگور ماجينوۆتىڭ ءسوزى.
Bank RBK قازاقستانداعى ءىرى بانكتەردىڭ وندىعىنا، ال Qazaq banki الدىڭعى جيىرما بانكتىڭ قاتارىنا كىرەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى