فوتو: kursiv.kz

ەۋرازيالىق ەكونوميكالىق ينتەگراتسيا جاعدايىندا ەكونوميكالىق ىنتىماقتاستىقتى دامىتۋ تۋرالى قازاقستان مەن قىرعىزستان ۇكىمەتتەرى اراسىنداعى كەلىسىم اياسىندا قازاقستان قىرعىز ەلىنە 100 ملن دوللار كولەمىندە قارجىلاي كومەك كورسەتەدى. بۇل تۋرالى پارلامەنت ءماجىلىسىنىڭ پلەنارلى وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى. 

قازاقستان ۇلتتىق ەكونوميكا ءمينيسترى تيمۋر سۇلەيمەنوۆ سارسەنبىدە زاڭ جوباسىن پالاتانىڭ جالپى وتىرىسىندا تانىستىرا كەلىپ، اتالعان كەلىسىمگە 2016 جىلعى 26 جەلتوقساندا سانكت-پەتەربۋرگ قالاسىنداعى ەۋرازەو مۇشە-مەملەكەتتەرى باسشىلارىنىڭ جۇمىس بابىنداعى كەزدەسۋى اياسىندا قول قويىلعانىن اتاپ ءوتتى.

«كەلىسىمگە سايكەس قازاقستاندىق تاراپ قىرعىز رەسپۋبليكاسىنىڭ ەۋرازيالىق ەكونوميكالىق وداققا ينتەگراتسياسى ۇدەرىسىنە جاردەمدەسۋ ماقساتىندا 100 ميلليون اقش دوللارى كولەمىندە قارجىلاي كومەك كورسەتەدى»، - دەدى سۇلەيمەنوۆ.

ءمينيستردىڭ سوزىنشە، كومەك تەحنيكالىق جاردەمدەسۋ تۋرالى ۇكىمەتارالىق جەكەلەگەن حاتتامالارعا سايكەس كەزەڭ-كەزەڭمەن اقشا قاراجاتتارى، تاۋارلار، مامانداردى وقىتۋ تۇرىندە بەرىلەدى.

سونداي-اق، تيمۋر سۇلەيمەنوۆ اتالعان كەلىسىمگە 2016 جىلدىڭ 26 جەلتوقسانىندا سانكت-پەتەربۋرگ قالاسىنداعى ەاەو-عا مۇشە مەملەكەتتەر باسشىلارىنىڭ جۇمىس بابىنداعى كەزدەسۋى اياسىندا قول قويىلعانىن اتاپ ءوتتى.

“The Qazaq Times”