2019 جىلى وتەتىن حالىق ساناعىنا 8,8 ميلليارد تەڭگە بولىنەتىن بولدى. بۇل تۋرالى ۇلتتىق ەكونوميكا ءمينيسترى تيمۋر سۇلەيمەنوۆ حابارلادى.
مينيستر مىرزانىڭ سوزىنشە، 2019 جىلدىڭ قاراشا ايىندا وتەتىن حالىق ساناعىنا ەل بيۋدجەتىنەن 8,8 ميلليارد تەڭگە قارجى ءبولۋ قاراستىرىلعان. بۇل جولعى ۇلتتىق حالىق ساناعىنىڭ ەرەكشەلىگى ساناق تولىقتاي كومپيۋتەرلىك جۇيە بويىنشا جۇرگىزىلەدى جانە كەز كەلگەن ادام ارنايى ينتەرنەت پورتالعا كىرىپ، ءوزىنىڭ جەكە مالىمەتتەرىن كورسەتۋ ارقىلى ساناق جۇيەسىنە تىركەلە الادى.
ستاتيستيكا اگەنتتىگىنىڭ ەكس-باسشىسى انار مەشىمباەۆا. فوتو. tengrinews.kz
ەستەرىڭىزگە سالايىق، 2009 جىل بولعان حالىق ساناعىنا ەل بيۋدجەتىنەن 1 ملرد 144 ملن تەڭگە بولىنگەن. كەيىننەن سول كەزدە ستاتيستيكا اگەنتتىگىنىڭ ءتورايىمى بولعان انار مەشىمباەۆاعا حالىق ساناعىنا بولىنگەن 700 ميلليون تەڭگە قارجىنى جىمقىردى دەگەن ايىپ تاعىلىپ، 2014 جىلدىڭ 14 اقپانىندا استانا قالاسىنىڭ ەسىل اۋداندىق سوتى ەكس-ءتورايىمدى 7 جىلعا باس بوستاندىعىنان ايىرعان.
جالپى، سول كەزدە بولىنگەن قارجى مەن جىمقىرىلعان قارجىنى ەسەپتەيتىن بولساق، 2009 جىلعى حالىق ساناعىنا مەشىمباەۆا حانىم جىمقىرعان 700 ميلليون تەڭگەنى الىپ تاستاعاندا 444 ميلليون تەڭگە جۇمسالعان. ارادا 10 جىل وتكەن سوڭ ۇلتتىق ەكونوميكا مينيسترلىگى تاۋەلسىزدىك العان 27 جىلدا نە ءبارى 18 ميلليوننان ءسال عانا اسقان حالىقتى ساناقتان وتكىزۋگە 8,8 ميلليارد تەڭگە قارجى بولمەك. سۇراق: سوڭعى ون جىلدا حالىق ساناعىن وتكىزۋ وسىنشالىقتى دەڭگەيدە قىمباتتاعان با، جوق الدە ۇلتتىق ەكونوميكا مينيسترلىگى 18 ميلليون حالىققا ساناق جۇيەسىنە تىركەلۋ ءۇشىن باس-باسىنا ءبىر-ءبىر كومپيۋتەر ساتىپ الىپ بەرمەك پە؟
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى