قازاق ازاماتى رەسەيدەگى ەڭ تابىستى رەجيسسەر اتاندى

تيمۋر بەكمامبەتوۆ گولليۆۋدتاعى جۇمىسىنىڭ ارقاسىندا رەسەيدەگى ەڭ تابىستى رەجيسسەرلەردىڭ رەيتينگىندە كوش باستادى.

تيمۋر بەكمامبەتوۆ
فوتو: ekburg.tv

رەسەيلىك Forbes ءوز تاريحىندا العاش رەت ەلدەگى ەڭ تابىستى رەجيسسەرلەردىڭ رەيتينگىسىن جاريالاعان بولاتىن. ناتيجەسىندە، رەسەيلىك كينو نارىعىنداعى ەڭ تابىستى رەجيسسەر بولىپ، ايقىن باسىمدىلىقپەن تيمۋر بەكمامبەتوۆ كوش باستادى.

جۋرناليستەر ءار رەجيسسەردىڭ فيلمىنە كەتكەن قارجىدان تۇسكەن پايدانى شەگەرىپ، تولىق تابىستى ەسەپتەگەن بولاتىن.

قازاقستاننىڭ تۋماسى تيمۋر بەكمامبەتوۆتىڭ ورتاق تابىسى 430 ميلليون دوللاردى قۇراعان، ونىڭ كوپ بولىگى «اسا قاۋىپتى» فيلمىنەن كەلگەن ەكەن، ال رەيتينگتىڭ كەلەسى ساتىلارىنا 79,3 ملن دوللارمەن لەۆان گابريادزە جانە  69 ميلليون تابىس تاپقان فەدور بوندارچۋك جايعاستى.

“The Qazaq Times”