27 ساۋىرگە جوسپارلانعان ەركىن ەۆروپا راديوسى /ەركىندىك راديوسى (RFE/RL), "ازادلىگ" گازەتى جانە مەيدان تۆ ارناسىن جابۋعا بايلانىستى سوت وتىرىسى كەيىنگە شەگەرىلدى.
جوعارىدا اتالعان باق وكىلدەرىنە: «راديكالدى ءدىني توپتار جانە باسقا دا زاڭسىز iس-ارەكەتتەردىڭ قىزمەتىن ناسيحاتتاۋ، سونداي-اق ءازىربايجان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋگە ۇگىتتەۋ; دەسترۋكتيۆتى الەۋمەتتىك تۇراقتىلىقتى بۇلدىرۋگە باعىتتالعان ءىس-شارالار، ازاماتتىق تارتىپسىزدىكتەر ۇيىمداستىرۋدى ناسيحاتتادى» - دەگەن ايىپ تاعىلعان.
ەلدىڭ باس پروكۋراتۋراسى كولىك، بايلانىس جانە جوعارعى تەحنالوگيا مينيسترلىگىنە سوت ارقىلى راديو، سايت جانە تەلەارنانى جابۋدى تاپسىرعان. ال مينيسترلىك بۇل ءىستى ەلەكتروندى قاۋىپسىزدىك ورتالىعىنا باعىتتاپ وتىر.
وپپوزيتسيالىق باسىلىمدار مەن ساياساتكەرلەر بيلىكتىڭ بۇل ارەكەتىن ءسوز بوستاندىعىنا قول سۇعۋ دەپ باعالاۋدا. وسى ۋاقىتقا دەيىن "ازادلىگ" گازەتىنىڭ تارالىم سانىن ازايتۋ جايىندا ءىس قوزعالعان بولاتىن.
سوت وتىرىسى تەرگەۋ پروتسەسىندەگى زاڭبۇزۋشىلىقتارعا بايلانىستى 1 مامىرعا شەگەرىلدى.
The Qazaq Times
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى