يران ءازىربايجان شەكاراسىندا جاتتىعۋ وتكىزبەك. فوتو: al-Monitor.

بۇگىن، 1 قازان يران قارۋلى كۇشتەرى ازىربايجانمەن شەكارالاس ايماقتا اسكەري وقۋ-جاتتىعۋىن باستايدى. بۇل تۋرالى ءبىر كۇن بۇرىن يراننىڭ IRNA اقپاراتتىق اگەنتتىگى حابارلادى.

اسكەري جاتتىعۋ تۋرالى يراننىڭ قۇرلىق كۇشتەرى كومانديرى، گەنەرال كيومەرس حايداري اقپارات قۇرالدارىنا رەسمي مالىمدەمە جاساعان. ونىڭ ايتۋىنشا جاتتىعۋعا جۇزدەگەن اسكەري تەحنيكامەن قاتار مىڭداعان ساربازدار قاتىستىرىلادى. يراننىڭ مەملەكەتتىك ارنالارى ەلدىڭ سولتۇستىك-باتىس ايماعىندا وتەتىن اسكەري جاتتىعۋعا دايىندالىپ جاتقان قارۋلى كۇشتەردىڭ سۋرەتتەرى مەن بەينە جازبالارىن دا قوسا تاراتتى.

حايداري جاساعان مالىمدەمەدە بەلگىلى بولعانداي، كەزەكتى جاتتىعۋ «حەيبەر جەڭىمپازدارى» دەپ اتالعان،  جاتتىعۋدا ساۋىتتى اسكەري كولىكتەر مەن ارتيللەريا كۇشتەرى جانە ۇشقىشسىز ۇشۋ قۇرىلعىلارى مەن وزگە دە ەلەكتروندى اسكەري تەحنيكالار سىنالادى.

بۇدان بۇرىن ءازىربايجان قارۋلى كۇشتەرى يران شەكاراسىنا جاقىن اۋماقتا اسكەري جاتتىعۋ وتكىزگەن بولاتىن. بۇل يران تارابىنان نارازىلىققا ۇشىراعان. ير قۇرلىق كۇشتەرىنىڭ كەزەكتى جاتتىعۋى ازىربايجانعا جاۋاپ رەتىندە وتكىزىلىپ جاتىر.

The Qazaq Times