الەمدەگى ەڭ باعالى تاستار

الەمدە ماتەريالدىق قۇندىلىقتاردىڭ ىشىندە اقشا مەن التىننان باسقا باعالى تاستاردىڭ دا ەرەكشە سۇرانىسقا يە ەكەندىگى بەلگىلى. ءتىپتى كەي باعالى تاستار بەلگىلى ءبىر مەملەكەتتىڭ، پاتشالىقتىڭ ۇلتتىق قۇندىلىعىنا دا اينالعان. كەيبىرەۋلەرىنىڭ باعاسى  بىرنەشە ميلليون، ميللياردتارمەن ەسەپتەلسە، ەندى بىرەۋلەرىنىڭ قۇنىن ەسەپتەۋ مۇمكىن ەمەس، باعا جەتپەيدى.

نازارلارىڭىزعا قازىرگى تاڭدا جەر بەتىندەگى ەڭ باعالى تاستاردىڭ بەسىتىگىن ۇسىنامىز.

5. De Beers Centenary: De Beers كومپانياسىنا تيەسىلى

تاستىڭ اتاۋى «جۇزجىلدىق» دەگەن ماعىنا بەرەدى. ءتۇسسىز كەلگەن، سالماعى -  273,85 كارات. ارنايى وڭدەۋ جۇمىستارىنىڭ ناتيجەسىندە تاستىڭ 273 بۇرىشى بار. بۇگىندە ماماندار بۇل تاستى 90 ميلليون دوللارعا باعالاپ وتىر.

4. Hope Diamond: جاقسى ءومىردىڭ ءۇمىتى

«كوگىلدىر فرانتسۋز» نەمەسە «ءۇمىت» اتالمىش تاس  ءوزىنىڭ ەرەكشە تۇسىمەن تانىمال. وسى سەكىلدى تاس بۇرىن سوڭدى كەزدەسپەگەن جانە تاعى تابىلۋى دا ەكىتالاي. بۇل تاس ءوزىنىڭ تەرەڭ تاريحىمەن دە باعالى. بۇگىنگى نارىقتاعى باعاسى 45,52 كارات سالماقپەن 200 ميلليون دوللارعا باعالانادى.

3. كۋللينان: الەمدەگى ەڭ ۇلكەن باعالى تاس

كۋللينان اتالعان الەمدەگى ەڭ ۇلكەن باعالى تاس ەڭ قىمبات تاستاردىڭ رەيتينگىسىندە ءۇشىنشى ورىنعا يە. بۇل تاس 1905 جىلى تابىلعان. كولەمى 530,2 كارات. وسىعان شامالاس تەك «التىن مەرەيتوي» اتتى تاس بار. ءبىر جارىم عاسىرلىق تاريحى مەن ەڭ ۇلكەن سالماعىنىڭ ارقاسىندا باعاسى -  2 ميلليارد دوللارعا جەتكەن.

2. سانسي: ورتاعاسىرلىق اڭىزعا اينالعان باعالى تاس

ەۋروپالىق حالىقتاردىڭ تاريحىنداعى ەڭ باعالى تاس. اشىق سارى ءتۇستى تاستىڭ سالماعى 55,23 كارات بولعانىنا قاراماستان، الەمدىك نارىقتا ءوزىنىڭ قۇنىن جوعالتقان ەمەس. تاريحقا كوز جۇگىرتسەك، تاس ءۇندىستاندا تابىلعان، بىراق بىرنەشە عاسىر بويى فرانتسۋز  حالىقتارىنىڭ ۇلتتىق قۇندىلىعى رەتىندە ەسەپتەلىپ كەلگەن. بۇگىندە بۇل باعالى تاس لۋۆردا ساقتاۋلى.  ال ءسانسيدىڭ باعاسىن انىقتاۋ مۇمكىن ەمەس بولىپ وتىر. ياعني ەش اقشا مەن باعالى زات ونىڭ قۇنىنا ساي كەلمەيدى.

1. كوحينۋر: بريتانيا مەن ەليزاۆەتا پاتشايىمنىڭ ماقتانىشى

بۇل اق تاستىڭ سالماعى 105,6 كارات جانە ۇلىبريتانيانىڭ پاتشايىمى ەليزاۆەتانىڭ ءتاجىنىڭ كوركىن اشىپ تۇر. تاريحىنا ۇڭىلسەك، تاس سوناۋ 1300 جىلداردان بەرى كەلە جاتىر. ال كەي اڭىزداردا ونىڭ ودان دا ۇزاق تاريحى بار ەكەندىگىن ايتىلعان. سانسي سەكىلدى بۇل تاستىڭ دا باعاسىن ەسەپتەۋ مۇمكىن ەمەس.

The Qazaq Times