كوكتەمگى كارانتيننەن كەيىن الماتى ىرگەسىندە كوروناۆيرۋستان قايتىس بولعانداردى جەرلەيتىن زيرات باسىندا. 25 مىمىر 2020 جىل. الماتى وبلىسى. فوتو: ازاتتىق راديوسى

قازاقستاندا وتكەن تاۋلىكتە 2711 ادامنىڭ اناليزىنەن كوروناۆيرۋس انىقتالعان. ال 5 شىلدەدە 27 ادام پنەۆمونيانىڭ كوروناۆيرۋسقا ۇقساس تۇرىنە شالدىققان. بۇل اقپاراتتى دەنساۋلىق ساقتاۋ مينيسترلىگى حابارلادى. 

دۇيسەنبى كۇنى ەلدە كوروناۆيرۋسپەن بايلانىستى 30 ادام ءولىمى تىركەلگەن: 27 ادام – كوروناۆيرۋستان، 3 ادام – كوروناۆيرۋس پنەۆمونياسىنان قايتىس بولدى دەپ ايتىلادى.

ەلدە "ۇندىستاندىق شتامنىڭ" تاراعانى جايلى اقپارات شىققالى بەرى كوروناۆيرۋس جۇقتىرعاندار ۇزدىكسىز كوبەيىپ كەلە جاتىر. رەسمي مالىمەت بويىنشا، 2020 جىلدىڭ ناۋرىز ايىنان بەرى 442 291 ادامنىڭ كوروناۆيرۋس تەستى وڭ شىققان. ىندەت باستالعالى بەرى كوروناۆيرۋستان – 4516 ادام، كوروناۆيرۋس پنەۆمونياسىنان 3470 ادام قايتىس بولعان.

قازىر ەلدە استانا، الماتى، شىمكەنت قالالارى، اقمولا، اتىراۋ، بقو، قاراعاندى، ماڭعىستاۋ جانە پاۆلودار وبلىستارى قاۋپى كوپ "قىزىل ايماقتا", اقتوبە، قوستاناي، سقو، قىزىلوردا، الماتى، جامبىل وبلىستارى ۆيرۋس تاراۋى جاعىنان ورتاشا "سارى ايماقتا" تۇر. قالعان وبلىستار "جاسىل ايماقتا".

مينيسترلىكتىڭ دەرەگىنشە، 7 شىلدەگە دەيىن 3 ملن 906 مىڭ ادام كوروناۆيرۋسقا قارسى ەكپەنىڭ ءبىر دوزاسىن; 2 ملن 236 مىڭ ادام ەكى دوزاسىن دا العان. ەلدە رەسەيلىك "سپۋتنيك V", قازاقستاندىق QazVac, HayatVax ء(باا ەلىندە دايىندالعان قىتايدىڭ ەكپەسى), قىتايلىق Coronavac ەكپەسىن سالىپ جاتىر.

"The Qazaq Times"