استانا مەن الماتىدا كوروناۆيرۋستىڭ جىلدام تارايتىن ءتۇرى – "ۇندىستاندىق شتامم" انىقتالعانىن كەيىن ەلدە ىندەت جۇققاندار سانى كۇرت كوبەيدى. دەنساۋلىق ساقتاۋ مينيسترلىگىنىڭ دەرەگىنشە، 23 ماۋسىمدا 1496 ادامنىڭ اناليزىنەن كوروناۆيرۋس انىقتالدى. ەكى كۇن بۇرىن 81 ادام كوروناۆيرۋس پنەۆمونياسىنا شالدىققان. سوڭعى تاۋلىكتە 8 ادام قايتىس بولعان: 7 ادام - كوروناۆيرۋستان، 1 ادام كوروناۆيرۋس پنەۆمونياسىنان كوز جۇمدى دەپ ايتىلادى.

وتكەن تاۋلىكتە استانادا – 568, الماتىدا – 186, قاراعاندى وبلىسىندا – 145, اقمولا وبلىسىندا – 36, الماتى وبلىسىندا – 37, پاۆلودار وبلىسىندا – 40, باتىس قازاقستان وبلىسىندا 91 ادامنان كوروناۆيرۋس انىقتالدى. شىمكەنتتە – 47, اتىراۋ وبلىسىندا – 60, شىعىس قازاقستان وبلىسىندا – 78, جامبىل وبلىسىندا – 21, اقتوبە وبلىسىندا – 40, قوستاناي وبلىسىندا – 30, قىزىلوردا وبلىسىندا – 29, ماڭعىستاۋ وبلىسىندا – 36, سولتۇستىك قازاقستان وبلىسىندا – 25, تۇركىستان وبلىسىندا 27 ناۋقاس تىركەلگەن.

پاندەميا باستالعالى بەرى ەلدە 413 267 ادامعا كوروناۆيرۋس جۇققان. 4268-ءى قايتىس بولعان. بۇعان قوسا، كوروناۆيرۋس پنەۆمونياسىنا شالدىققاندار 56 708 ادامعا جەتتى. وسى ۋاقىتقا دەيىن ولاردىڭ 3432-ءى كوز جۇمعان.

دەنساۋلىق ساقتاۋ مينيسترلىگىنىڭ دەرەگىنشە، ەلدە 2 ملن 920 مىڭ ادام كوروناۆيرۋسقا قارسى ۆاكتسينانىڭ كەمىندە ءبىر دوزاسىن العان. 1 ملن 793 مىڭى ەكى دوزاسىن العان.

"The Qazaq Times"