فارانتسيادا جەكسەنبى كۇنى (24 ءساۋىر) وتكەن پرەزيدەنت سايلاۋىندا ەممانۋەل ماكرون قايتالاي پرەزيدەنت بولىپ سايلاندى. بۇل سايلاۋدا ماكرون اسىرە وڭشىلداردىڭ ليدەرى مارين لە پەندى ەكىنشى رەت جەڭدى.
سايلاۋ ناتيجەسىنە ساي، ماكرون سايلاۋشىلاردىڭ 58,55 پايىزىن، ال لە پەن 41,45 پايىز داۋىسىن جيناعان. دەگەنمەن، ماكرون مەن لە پەن اراسىنداعى داۋىس ايىرماشىلىعى بەس جىل بۇرىنعى شامادان از. بۇل فرانتسۋز مەملەكەتىندە وڭشىلداردىڭ جىلدان جىلعا جوعارى باسىمدىققا قاراي ورلەپ كەلە جاتقانىن كورسەتكەندەي بولدى.
فرانتسۋز وڭشىلدارىنىڭ ليدەرى مارين لە پەن. فوتو: Reuters
جەڭىس ءسوزىن سويلەپ تۇرعان ماكرون: «ازاماتتاردىڭ كوپشىلىگى مەنىڭ يدەيالارىمدى قولداعانى ءۇشىن ەمەس، اسىرە وڭشىلداردى قولداماعانىنان داۋىس بەرگەنىن بىلەمىن. ءارى مەن ولارعا قارىزدارمىن، ولارعا راحمەت ايتامىن»، – دەدى. فرانتسياداعى اسىرە وڭشىلداردىڭ ليدەرى لە پەن مەن ماكرون ىكشى ساياساتتان تارتىپ، فرانتسيانىڭ ەۋروپا وداعى، ناتو-مەن قارىم-قاتىناسى بويىنشا دا ۇستانىمدارى قاراما-قايشى.
مالىمەتتەرگە ساي، كەزەكتى سايلاۋداعى سايلاۋشىلاردىڭ بەلسەندىلىگى تومەن بولدى، ايتالىق سايلاۋشىلاردىڭ 28,1 پايىزى قالىس قالدى. بۇل 1969 جىلدان بەرگى العاشقى جاعداي.
سايلاۋ قورىتىندىسى بەلگىلى بولا سالىسىمەن ەممانۋەل ماكروننىڭ اتىنان كوپتەگەن ەلدەردەن قۇتتىقتاۋلار كەلە باستادى. العاشقىلاردىڭ ءبىرى بولىپ اقش پرەزيدەنتى جو بايدەننەن جەتكەن قۇتتىقتاۋدا «قۇراما شتاتتار پرەزيدەنت ماكرونمەن ەكىجاقتى تىعىز قارىم-قاتىناستى جالعاستىراتىنىن» ايتقان.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟