Франция президенті Эммануэль Макрон. Фото: Рейтер

Фаранцияда жексенбі күні (24 сәуір) өткен президент сайлауында Эммануэль Макрон қайталай президент болып сайланды. Бұл сайлауда Макрон әсіре оңшылдардың лидері Марин Ле Пенді екінші рет жеңді.

Сайлау нәтижесіне сай, Макрон сайлаушылардың 58,55 пайызын, ал Ле Пен 41,45 пайыз дауысын жинаған. Дегенмен, Макрон мен Ле Пен арасындағы дауыс айырмашылығы бес жыл бұрынғы шамадан аз. Бұл француз мемлекетінде оңшылдардың жылдан жылға жоғары басымдыққа қарай өрлеп келе жатқанын көрсеткендей болды.

Француз оңшылдарының лидері Марин Ле Пен. Фото: Reuters

Жеңіс сөзін сөйлеп тұрған Макрон: «Азаматтардың көпшілігі менің идеяларымды қолдағаны үшін емес, әсіре оңшылдарды қолдамағанынан дауыс бергенін білемін. Әрі мен оларға қарыздармын, оларға рахмет айтамын», – деді. Франциядағы әсіре оңшылдардың лидері Ле Пен мен Макрон ікші саясаттан тартып, Францияның Еуропа Одағы, НАТО-мен қарым-қатынасы бойынша да ұстанымдары қарама-қайшы.

Мәліметтерге сай, кезекті сайлаудағы сайлаушылардың белсенділігі төмен болды, айталық сайлаушылардың 28,1 пайызы қалыс қалды. Бұл 1969 жылдан бергі алғашқы жағдай.

Сайлау қорытындысы белгілі бола салысымен Эммануэль Макронның атынан көптеген елдерден құттықтаулар келе бастады. Алғашқылардың бірі болып АҚШ президенті Жо Байденнен жеткен құттықтауда «Құрама Штаттар президент Макронмен екіжақты тығыз қарым-қатынасты жалғастыратынын» айтқан.

The Qazaq Times