ادىلەت مينيسترلىگى تىركەمەگەن دەمپارتيا جەتەكشىسى جانبولات ماماي وزىنە قاتىستى قوزعالعان قىلمىستىق ءىس تۋرالى پىكىر ءبىلدىردى. بەلسەندى 26 قازاندا كەشكىسىن ازاتتىق راديوسىنا ءىس اشۋعا تۇرتكى بولعان سەبەبىن تۇسىندىرگەن.
جانبولات ماماي الماتى قالالىق پوليتسيا دەپارتامەنتى بەلسەندىنىڭ ۇستىنەن 18 قىركۇيەكتە اباي ەسكەرتكىشى تۇبىندە وتكەن شەرۋدە پوليتسياعا ءتىل تيگىزدى دەگەن ايىپپەن «بيلىك وكىلىن قورلاۋ» (378-باپ، 2-ءبولىم) بابى بويىنشا ءىس قوزعاعانىن مالىمدەدى.
«18 قىركۇيەك كۇنگى ميتينگىدە ابزال دوستياروۆتى تۋرا سول جەردە ارنايى جاساق ۇستاعان بولاتىن. مەنى جەرگە قۇلاتقان. سوسىن مەن شىعىپ ايتتىم: «وسى ارەكەتتى جاساپ تۇرعان پوليتسيا قىزمەتكەرلەرى وتانىنا وپاسىزدىق جاسايدى. ەرتەڭ قازاقستاندا قىتاي ەكسپانسياسى باستالسا، بۇلار قىتايعا دا قىزمەت جاسايتىن ناعىز ساتقىندار» دەدىم. مىنە، وسى سوزدەر ءۇشىن 17 قازاندا ءىس قوزعاعان. فيلولوگيالىق ساراپتامانىڭ ءبارىن دايىنداپ قويعان»، – دەگەن جانبولات ماماي ازاتتىق تىلشىسىنە.
وپپوزيتسيا وكىلىنىڭ ايتۋىنشا، ايتقان سوزىنەن باس تارتپايدى، بۇل وقيعا ناعىز «ساياسي قىسىم». ول «بۇل بيلىكتىڭ دەمپارتيا ميتينگىگە شىقپاسىن، نارازىلىق تانىتپاسىن دەپ قاساقانا جاساپ وتىرعان ارەكەتى، باسقاشا ءتۇسىندىرۋ مۇمكىن ەمەس» دەگەن پىكىردە.
«نارازىلىق اكتسياسىنا شىققان كەزدە باسبۇزارلىقپەن، بولماسا زاڭدى بۇزايىق، بولماسا تارتىپسىزدىك جاسايىق، تەرىس ارەكەت جاسايىق دەپ شىققانىمىز جوق. ءبىز ۇلتتىق مۇددەنى قورعاپ شىقتىق. تاۋەلسىزدىكتى قورعاپ شىقتىق. ارون اتابەككە بوستاندىق تالاپ ەتتىك. «سبەربانكپەن» جاسالىپ جاتقان كەلىسىمگە قارسى شىقتىق. قولىمىزدا مەگافوننان باسقا ەشتەڭە بولعان جوق. ءبىز تۇسكەن بەتتە پوليتسيا تارپا باس سالىپ، كۇش كورسەتتى. ابزالدى ۇرىپ-سوعىپ، پوليتسيا دەپارتامەنتىنە الىپ كەتتى. ىرىسبەك توقتاسىن اعامىزدى ەكى-ءۇش كۇن بۇرىن ۇستادى. داۋرەن مەن تەمىرتاستى ەكى كۇن بۇرىن قاماپ تاستادى. مۇنىڭ ءبارى زاڭسىز. ەشقانداي ءىس-ارەكەت جاساماي تۇرىپ، وسىنداي زاڭسىزدىقتارعا باردى. سوندىقتان مەن سولاي دەپ ايتتىم. ولار ەندى «قوعامدىق ءتارتىپتى قورعاعان» پوليتسيا قىزمەتكەرلەرىن قورلادى دەپ ايىپتاپ وتىر»، – دەيدى جانبولات ماماي.
بەلسەندىنىڭ اقپارات قۇرالىنا حابارلاۋىنشا، ءوز قۇقىعى اياسىندا تەرگەۋشىنىڭ سۇراقتارىنا جاۋاپ بەرۋدەن باس تارتقان. ماماي پوليتسياعا ادۆوكاتى جانار بالعاباەۆامەن كىرىپ شىققان. الماتى پوليتسياسى ازىرگە ءىس بويىنشا تۇسىنىكتەمە بەرمەدى.
سەيسەنبى، 26 قازاندا كۇندىز جانبولات ماماي وزىنە قىلمىستىق ءىس قوزعالعانىن، پوليتسياعا شاقىرتىلعانىن حابارلاعان. تۇستەن كەيىن قالالىق پوليتسيا دەپارتامەنتى عيماراتىنىڭ الدىنا ونى قولداعان جاقتاستارى جينالدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟