قىتايمەن ديپلوماتيالىق بايلانىس ورناتقانىنا نارازىلار چايناتاۋىندى ورتەپ، پارلامەنت عيماراتىن باسىپ الدى. وقيعا سولومون ارالدارىنىڭ ورتالىعى حونيارا قالاسىندا بولىپ جاتىر. جاپپاي تارتىپسىزدىككە ۇلاسقان نارازىلىق شاراسىن توقتاتۋعا شاراسىز قالعان ۇكىمەت اۋستراليادان كومەك سۇرادى. بۇل تۋرالى Associated Press, AFP جانە Reuters اقپاراتتىق اگەنتتىكتەرى حابارلاۋدا.
تىنىق مۇحيتىنداعى ارالدى ەلدىڭ بيلىگى 2019 جىلى تايۋانمەن (تايۆان) ديپلوماتيالىق بايلانىستى ءۇزىپ، بەيجىڭدى رەسمي تانىعان بولاتىن. بۇل شەشىم ەل ازاماتتارىنىڭ، اسىرەسە حالىق سانى ەڭ تىعىز مالايتا پروۆينتسياسى تۇرعىندارىنىڭ نارازىلىعىنا ۇشىراپ كەلگەن.
باسىم كوبى مالايتا تۇرعىندارىنان قۇرالعان جۇزدەن اسا نارازى ازاماتتار چايناتاۋندا ءورت قويعان. وسىدان كەيىن ولارعان جۇزدەگەن نارازىلار قوسىلىپ، دومنسترانتتار سانى مىڭنان اسىپ كەتكەن. قىتاي ازاماتتارىنىڭ دۇكەندەرىنە نىساناعا العان توپ، قىتاي ەلشىلىگىنە دە بارماق بولعان. سوڭىندا پارلامەنت عيماراتىنا باسىپ كىرىپ، پرەمەر-ءمينيسترى سوگاۆارەنىڭ وتستاۆكاعا كەتۋىن تالاپ ەتكەن.
وسىدان كەيىن سوگاۆارەن اۋستراليادان قاۋىپسىزدىك كۇشتەرىن جونەلتۋدى وتىنگەن. كەشە، 25 قاراشادا اۋستراليا پرەمەر-ءمينيسترى مورريسون جۇزدەن استام پوليتسيا مەن قارۋلى كۇشتەرىن حونيارا قالاسىنا جىبەرۋگە شەشىم قابىلدادى.
حونياراداعى نارازىلار قىتايلىق ازاماتتارعا تيەسىلى دۇكەندەردى باستى نىساناعا العاندىقتان، بەيجىڭ تارابى سولومون ارالدارى ۇكىمەتىنە الاڭداۋشىلىعىن ءبىلدىرىپ، قىتايلىق ازاماتتاردى قورعاۋعا الۋدى سۇراعان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى