قازاقستاندا تاعى 1,2 مىڭ ادامعا كوروناۆيرۋس پەن وعان ۇقساس پنەۆمونيا دياگنوزى قويىلدى. اۋىرعانداردىڭ جالپى ەسەبى 1 ملن 40 مىڭعا جەتكەن. قاراشا ايىنىڭ ءبىرىنشى جارتىسىندا 21 مىڭداي ادام اۋىرىپ، 400 ادام قايتىس بولدى.

دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە 16 قاراشا كوروناۆيرۋس (كۆي+) جۇققان 1058 ادام، ال 15-ءى كوروناۆيرۋس پنەۆمونياسىنا (كۆي-) شالدىققان 195 ادام تىركەلدى. سونداي-اق، دۇيسەنبىدە 26 قازاقستاندىق اۋرۋدان قايتىس بولدى. بىلتىر ءدال وسى ۋاقىتتا رەسمي ستاتيستيكادا تاۋلىگىنە كوپ دەگەندە 700-گە دەيىن ناۋقاس جانە 7-8 ءولىم جاعدايى تىركەلەتىن، ستاتسيونار مەن امبۋلاتورياداعى سىرقاتتار سانى 9 مىڭعا تارتا ەدى. قازىر بۇل كورسەتكىش ەسەلەپ ءوسىپ وتىر، بۇگىندە ەلدە 32,5 مىڭ ادام (كۆي+ بويىنشا 28 مىڭ، كۆي- بويىنشا 4,5 مىڭ) اۋىرىپ جاتىر.

#COVID وتكەن كۇنى پتر تەستى ارقىلى كوروناۆيرۋس جۇققانى راستالعان ناۋقاستار سانى تاعى كوبەيدى. ولاردىڭ نەگىزگى بولىگى نەمەسە 14%-ى ادەتتەگىدەي سقو (134), 13%-ى پاۆلودار (123) وبلىسىنا جانە 12%-ى الماتى (119) قالاسىنا تيەسىلى. اۋرۋشاڭدىق الماتى وبلىسى (60), اقمولا (57), تۇركىستان (15), اقتوبەدە (11) ءبىرشاما ازايعانىمەن، باسقا قاراعاندى (135), استانا (126), قوستاناي (98), شقو (78), بقو (23), اتىراۋ (21), شىمكەنت (20), جامبىل (13), قىزىلوردا (18), ماڭعىستاۋ (7) وڭىرلەرىندە ايتارلىقتاي ارتقان. دۇيسەنبىدە اۋرۋدان ايىققان 2,3 مىڭعا تاياۋ ادام ۇيىنە شىعارىلعان. 16 قاراشادا جيىنى 24 ادام قايتىس بولعان.

#COVID_پنەۆمونياسى قاراشانىڭ 15-ءى اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 195 ناۋقاس ەسەپكە الىندى. ۆەدومستۆو دەرەگىنشە, بۇل كۇنى اقمولا (35), ماڭعىستاۋ (32), شقو (29), شىمكەنت (25), الماتى وبلىسى (17), جامبىل (10) وڭىرلەرىندە كوپتەپ انىقتالعان. سونىمەن قوسا، 375 ادام ايىعىپ شىققان، تاعى ەكى ادام كوز جۇمعان.

#جالپى  دەنمين دەرەگىنە قاراعاندا، ەمدەلىپ جاتقان 32, مىڭ ناۋقاستىڭ 6,5 مىڭى اۋرۋحانادا، 26 مىڭى امبۋلاتورلىق باقىلاۋدا. 504 ناۋقاستىڭ جاعدايى ناشار، ونداعى 130 ادامنىڭ ءحالى وتە اۋىر. بۇدان وزگە 86 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.

ەپيدكارتادا «جاسىل ايماقتاعى» تۇركىستان، ماڭعىستاۋ، الماتى قالاسى، شىمكەنت، بقو، شقو، الماتى وبلىسى، جامبىل، اقتوبە، قىزىلوردا وبلىستارىنان باسقا استانا، اتىراۋ، قوستاناي، قاراعاندى جانە اقمولا وبلىسى «سارى ايماققا» وتكەن. باسقا ەكى ايماق (پاۆلودار، سقو) ءالى دە «قىزىل ايماقتا» تۇر.

دەنميننىڭ QT رەداكتسياسىنا بەرگەن مالىمەتىنشە، ىندەت تاراعان 2020-2021 جىلدارى پتر تەستى وڭ كورسەتكەن 1407 سىناما سەكۆەنيرلەنگەن (شتامم ءتۇرىن انىقتايتىن تالداۋ). سايكەسىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق، ۇندىستاندىق جانە نيگەريالىق شتامدارى انىقتالعان.

بيىلعى جاز مەزگىلى قازاقستاندىقتار ءۇشىن قارالى حابارعا تولى بولدى. پاندەميا باستالعالى 1,5 جىلدىڭ ىشىندە انىقتالعان بارلىق اۋرۋشاڭدىق پەن ءولىم جاعدايىنىڭ جارتىسى تەك وتكەن جازدا، ءتورتىنشى تولقىندا تىركەلدى. جازعى ءۇش ايدا باس-اياعى 420 مىڭ ادام اۋىرسا، 6,6 مىڭنان اسا ادام كوز جۇمدى. قىركۇيەك ايىنىڭ وزىندە 99 مىڭداي ناۋقاس ەسەپكە الىنعان جانە 2117 ادام قايتىس بولعان. ال قازان ايىندا 57 مىڭ اۋرۋ جانە 1078 ءولىم جاعدايى تىركەلگەن. قاراشا ايى باستالعالى 21 مىڭ سىرقات تىركەلدى، دەرت مەڭدەگەن 400 ادام ومىردەن وتكەن.

بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 959,5 مىڭنان، 1 تامىزدان بەرگى كوروناۆيرۋس پنەۆمونياسى 81 مىڭنان اسقان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 1 ملن 41 مىڭعا جۋىقتاعان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.

پاندەميانىڭ باس-اياعى 21 ايدا جالپى ۆيرۋس جۇققانداردان 21,2 مىڭ ادام (كۆي+ / U07.1 – 12 474, كۆي- / U07.2 – 5101, ىلەسپە اۋرۋلاردان – 3685) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.

قازاقستان ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 37-ورىنعا ورنىقتى.

ۇكىمەتتىڭ سوڭعى دەرەگىنە قاراعاندا، قازاقستاندا 7,8 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 8,5 ملن-نان اسادى. دەنساۋلىق ساقتاۋ ءمينيسترى الەكسەي تسوي 22 قاراشادان باستاپ ۆاكتسينا العانىنا جارتى جىل وتكەندەر ءۇشىن رەۆاكتسياناتسيا ناۋقانى جۇرگىزىلەتىنىن مالىمدەگەن.

The Qazaq Times