الدىن الا جۇرگىزىلگەن ساۋالناما بويىنشا، الماتى قالاسىنداعى ء(جاسوسپىرىم بالاسى بار – QT) اتا-انالاردىڭ 20%-ى بالالارىنا Pfizer ۆاكتسيناسىن سالدىرۋعا نيەتتى. قوعامدىق دەنساۋلىق ساقتاۋ باسقارماسى ۆاكتسيناعا قارسى اتا-انالارعا بارىنشا ءتۇسىندىرىپ جاتقانىن جەتكىزدى. باسقارما باسشىسىنىڭ ورىنباسارى سۆەتلانا سۇلتانعازيەۆا الداعى ۋاقىتتا اتالعان ەكپەگە ىنتالى اتا-انالاردىڭ قاتارى ارتارىنا سەنىمدى. ۆاكتسينانىڭ قۇنى ازىرگە بەلگىسىز.
كۇنى كەشە ەل كوپتەن كۇتكەن اقش-گەرمانيا ۆاكتسيناسىنىڭ قازاقستانعا جوسپارلى مەرزىمىنەن جارتى جىلعا كەشتەتىپ جەتكىزىلۋىنە وراي بۇگىن الماتى قالاسىنىڭ وكق الاڭىندا ارنايى بريفينگ ءوتتى.
باسقارما باسشىلىعىنىڭ مالىمەتىنشە، ۆاكتسيناتسيا الاتىن كونتينگەنت قاتارىنا 12-18 جاس ارالىعىندا 170 مىڭنان اسا بالا، 20 مىڭداي جۇكتى ايەل، سونداي-اق ەمىزۋلى بالاسى بار 60 مىڭنان استام انا ەنگىزىلگەن. سۆەتلانا سۇلتانعازيەۆا انتيۆاكسەر اتا-انالاردىڭ نازارىنا «بىلتىر اۋرۋحانادا 505, بيىل 3,8 مىڭنان اسا بالا» ەمدەلۋگە ءماجبۇر بولعانىن ەسكەرتتى.
«ءتۇسىندىرۋ جۇمىستارى جالعاسىپ جاتىر، اتا-انالاردىڭ 20%-ى، شامامەن 34 مىڭى بالاسىنا ەكپە سالعىزۋعا كەلىسىپ وتىر. دەسە دە بۇل سان ۇنەمى وزگەرىپ وتىرادى. ...جۇكتى ايەلدەردى 16-دان 37 اپتاعا دەيىن ەكى كومپونەنتتەن، ال بوسانعاننان كەيىن 42 كۇن وتكەن سوڭ ۆاكتسينالاۋدى ۇسىنامىز»، – دەدى ول.
جاسوسپىرىمدەر اراسىندا العاشقى بولىپ 16-18 جاستاعى (17 جاس 11 اي) بالالار ۆاكتسينا الادى. كەيىن كەمۋ رەتىمەن 15, 14, 13, 12 جاستاعىلارعا مۇمكىندىك بەرىلەدى.
«رەسپۋبليكالىق قاراجات ارقىلى الىنىپ جاتىر. ءار قاپتامادا التى ادامعا ارنالعان التى دوزا بولادى. فلاكوننىڭ قۇنى مينيسترلىكتەن قۇجاتتار كەلىپ تۇسكەننەن كەيىن بەلگىلى بولادى»، – دەدى ول QT رەداكتسياسىنىڭ ءتىلشىسى قويعان سۇراققا.
سەس باسشىسىنىڭ ورىنباسارى اسەل قالىقوۆا قالاعا Pfizer ۆاكتسيناسىنىڭ 46 مىڭ دوزاسى بولىنگەنىن راستادى. پرەپارات مەكتەپ مەدپۋنكتىندە ساقتالمايدى. قاجەتىنە قاراي ءوتىنىم سانىنا سايكەس جەتكىزىلىپ وتىرادى.
دەپارتامەنت باسشىلىعى رەۆاكتسيناتسيادان وتۋشىلەر ءۇشىن Pfizer ەكپەسىنىڭ قاشان قولجەتىمدى بولاتىنىن ازىرگە ناقتى ايتا المادى.
Pfizer پرەپاراتىن سالدىرعىسى كەلەتىندەر تۇرعىلىقتى جەرى بويىنشا ەمحاناعا بارىپ، تىركەلۋى كەرەك. ۆاكتسينانىڭ قوسىمشا دوزالارى بولعان كەزدە ولار ەكپە الاتىن بولادى.
Pfizer ۆاكتسيناسى – ددسۇ مەن ەو العاش مويىنداعان بىرەگەي، تيىمدىلىگى 95%-دانا ساتىن كوروناۆيرۋسقا قارسى ەكپە. قازاقستاندا التىنشى ۆاكتسينا رەتىندە تىركەلگەن ۆاكتسينا قازىر اقش، ۇلىبريتانيا، كانادا جانە ەو-دا قولدانىلادى.
ۇكىمەتتىڭ سوڭعى دەرەگىنە قاراعاندا، قازاقستاندا 7,7 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 8,4 ملن-نان اسادى. دەنساۋلىق ساقتاۋ ءمينيسترى الەكسەي تسوي 22 قاراشادان باستاپ ۆاكتسينا العانىنا جارتى جىل وتكەندەر ءۇشىن رەۆاكتسياناتسيا ناۋقانى جۇرگىزىلەتىنىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟