بۇگىن، 10 قاراشا كەشكە الماتى قالاسىنىڭ اۋەجايىنا ەل كوپتەن كۇتكەن كوروناۆيرۋسقا قارسى Pfizer ۆاكتسيناسىنىڭ پارتياسى جەتكىزىلەدى. بۇل تۋرالى الماتى حالىقارالىق اۋەجايىنىڭ ءباسپاسوز قىزمەتىنە سۇيەنگەن قازتاگ اگەنتتىگى حابارلادى.
«الدىن الا اقپاراتقا سايكەس بۇگىن، 10 قاراشادا ساعات 19.45-تە Qatar Airways اۋە كومپانياسى Pfizer ۆاكتسيناسىنىڭ پارتياسىن جەتكىزەدى» دەدى اۋەجاي ءباسپاسوز قىزمەتىنىڭ وكىلدەرى.
بۇعان دەيىن قازاقستان دەنساۋلىق ساقتاۋ مينيسترلىگى Pfizer ۆاكتسيناسىنىڭ 4 ملن دوزاسى قاراشا ورتاسىنا قاراي ەلگە جەتكىزىلەدى، ول 2 ملن ادامعا ەكپە ەگۋگە جەتەدى دەپ مالىمدەگەن.
اشىق دەرەككوزدەردەگى اقپاراتقا قاراعاندا، گەرمانيا عالىمدارى جاساپ شىعارعان، قازىر اقش-تا وندىرىلەتىن بۇل ەكپەنىڭ تيىمدىلىگى 95%-دان جوعارى. Pfizer – ددسۇ مەن ەۋروپا العاش مويىنداعان ۆاكتسينالاردىڭ ءبىرى.
قازاقستاندا بۇل ۆاكتسينا ءبىرىنشى كەزەكتە 12-17 جاستاعى جاسوسپىرىمدەرگە جانە جۇكتى ايەلدەرگە سالىنادى. بۇگىنگى تاڭدا اقش 5-11 جاستاعى بالالارعا دا سالۋدى باستادى.
پاندەميا باستالعالى قازاقستاندا 1 ملن 32 مىڭنان اسا ادام COVID جۇقتىرعان، سونداي-اق بۇل 20,8 مىڭ ادامنىڭ ولىمىنە اسەر ەتكەن. وسىلايشا ەل ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 37-ورىنعا ورنىقتى.
ۇكىمەتتىڭ سوڭعى دەرەگىنە قاراعاندا، قازاقستاندا 7,7 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 8,4 ملن-نان اسادى. دەنساۋلىق ساقتاۋ ءمينيسترى الەكسەي تسوي 22 قاراشادان باستاپ ۆاكتسينا العانىنا جارتى جىل وتكەندەر ءۇشىن رەۆاكتسياناتسيا ناۋقانى جۇرگىزىلەتىنىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟