قازاقستانداعى ازاماتتىق جۋرناليستيكا ارداگەرى، بەلگىلى جۋرناليست باقىتگۇل ماكىمباي اۋرۋدان ايىعا الماي كوز جۇمدى.

59 جاسىنا قاراعان شاعىندا "دات" گازەتتەر توبىنىڭ ءجۋرناليسى ءارى رەداكتورى بولعان باقىتگۇل ماكىمباي دۇنيەدەن وزدى. بۇل جونىندە باسىلىمنىڭ باس وقىرمانى ەرمۇرات باپي حابارلادى.

"قوش بول، باقان! باقالوگىم مەنىڭ!... 23 جىل جاڭىلماي جۇرگەن "دات"-ىڭ سەنسىز جەتىم قالدى!...", - دەپ جازدى باپي ءوزىنىڭ Facebook پاراقشاسىندا.

باقىتگۇل ماكىمباي 1962 جىلى 15 قازاندا شىعىس قازاقستان وبلىسىندا دۇنيەگە كەلگەن. كەيىنگى جيىرما جىلدان اسا ۋاقىت "دات" گازەتتەر جوباسىندا (سولدات، جۇما تايمس، تاسجارعان، اينا-پليۋس، بۇگىن-سەگودنيا، وبششەستۆەننايا پوزيتسيا سياقتى) 12 ءتۇرلى باسىلىمنىڭ جارىق كورۋىنە اتسالىسىپ، ۇزاق جىل قىزمەت ەتتى.

جۋرناليستيكاداعى ەڭبەگى ءۇشىن سوروس حالىقارالىق قورىنىڭ "باتىلدىق پەن تاباندىلىق ءۇشىن" سىيلىعىنىڭ لاۋرەاتى اتاندى. 2018 جىلى قازاقستان جۋرناليستەر وداعى وعان قۇرمەتتى جۋرناليست اتاعىن بەردى، التىن مەدال يەگەرى اتاندى. 2002 جىلى سولدات رەداكتسياسىنا جاسالعان شابۋىل كەزىندە سوققىعا دا جىعىلدى. ەكس-پرەزيدەنت نازارباەۆتىڭ بەدەلىنە نۇقسان كەلتىردى دەگەن ايىپپەن قىلمىستىق قۋدالاۋعا دا تۇسكەن. ازاماتتىق ۇستانىم مەن كاسىبي پرينتسيپتەرىنە ادالدىعى ءۇشىن تالاي قۇقاي كوردى. سوعان قاراماستان بەيتاراپتىق-ەتيكا قاعيداسىنان تانباي ەلدەگى ساياسي ءومىردى مەيلىنشە بۇكپەسىز اشىق كورسەتۋگە تىرىستى.

رەداكتسيا ۇجىم اتىنان باقىتگۇل ماكىمبايدىڭ تۋعان-تۋىستارى مەن ارىپتەستەرىنە قايعىرىپ كوڭىل ايتادى. قازاقستاننىڭ وسى زامانعى تاريحى مەن ساياسي-قوعامدىق ومىرىنەن شىنايى اقپارات تاراتقان ارداگەر باقىتگۇل اپايدىڭ عازيز رۋحىنا تاعزىم ەتەدى.

The Qazaq Times