پوليتسيا دەپارتامەنتىنىڭ عيماراتى. كورنەكى سۋرەت. فوتو: تۇركىستان وبلىسىنىڭ پد ءباسپاسوز قىزمەتى

جازۋشى اياگۇل مانتايدىڭ ولىمىنە بايلانىستى تۇركىستان وبلىسى جەتىساي اۋداندىق پوليتسيا باسقارماسى قىلمىستىق ءىس قوزعادى. بۇل جونىندە وبلىستىق پوليتسيا باسقارماسىنىڭ ءباسپاسوز حاتشىسى سالتانات قاراكوزوۆا اقپارات قۇرالىنا حابارلاعان.

سالتانات قاراكوزوۆانىڭ ازاتتىق راديوسىنا بەرگەن مالىمەتىنە قاراعاندا، قىلمىستىق كودەكستىڭ «ءوزىن-ءوزى ولتىرۋگە دەيىن جەتكىزۋ» بابى بويىنشا ءىس قوزعالعان. تەرگەۋ امالدارى باستالىپ، ارنايى ساراپتامالار تاعايىندالعان.

قاراكوزوۆا باسىلىمعا ءىس بويىنشا كۇدىكتى انىقتالعان-انىقتالماعانى، ادۆوكاتتار تاعايىندالعانى جونىندە اقپارات بەرە المايتىنىن ايتقان.

29 شىلدەدە جازۋشىنىڭ قايتىس بولعانى جونىندە الەۋمەتتىك جەلىدە ونىڭ دوستارى حابارلاعان ەدى. مارقۇم كەشە، 29 شىلدەدە تۋعان جەرىندە جەرلەندى.

اياگۇل مانتاي – «سەرپەر» جاستار سىيلىعىنىڭ لاۋرەاتى، «جۇرەككە ورالۋ» كىتابىنىڭ اۆتورى. ونىڭ «جاڭبىرلى كوكتەم» اتتى اڭگىمەلەر جيناعى بار. جازۋشى رەسەي حالىقتار دوستىعى ۋنيۆەرسيتەتىندە وقىعان.

“The Qazaq Times”