Qazaqstandağı azamattıq jurnalistika ardageri, belgili jurnalist Baqıtgül Mäkimbay aurudan ayığa almay köz jwmdı.

59 jasına qarağan şağında "Dat" gazetter tobınıñ jurnalisi äri redaktorı bolğan Baqıtgül Mäkimbay dünieden ozdı. Bwl jöninde basılımnıñ bas oqırmanı Ermwrat Bapi habarladı.

"Qoş bol, Baqan! Baqalögim meniñ!... 23 jıl jañılmay jürgen "DAT"-ıñ sensiz jetim qaldı!...", - dep jazdı Bapi öziniñ Facebook paraqşasında.

Baqıtgül Mäkimbay 1962 jılı 15 qazanda Şığıs Qazaqstan oblısında düniege kelgen. Keyingi jiırma jıldan asa uaqıt "Dat" gazetter jobasında (SolDAT, Jwma Tayms, Tasjarğan, Ayna-Plyus, Bügin-Segodnya, Obşestvennaya poziciya siyaqtı) 12 türli basılımnıñ jarıq köruine atsalısıp, wzaq jıl qızmet etti.

Jurnalistikadağı eñbegi üşin Soros halıqaralıq qorınıñ "Batıldıq pen tabandılıq üşin" sıylığınıñ laureatı atandı. 2018 jılı Qazaqstan Jurnalister odağı oğan qwrmetti jurnalist atağın berdi, altın medal' iegeri atandı. 2002 jılı SolDat redakciyasına jasalğan şabuıl kezinde soqqığa da jığıldı. Eks-prezident Nazarbaevtıñ bedeline nwqsan keltirdi degen ayıppen qılmıstıq qudalauğa da tüsken. Azamattıq wstanım men käsibi principterine adaldığı üşin talay qwqay kördi. Soğan qaramastan beytaraptıq-etika qağidasınan tanbay eldegi sayasi ömirdi meylinşe bükpesiz aşıq körsetuge tırıstı.

Redakciya wjım atınan Baqıtgül Mäkimbaydıñ tuğan-tuıstarı men äriptesterine qayğırıp köñil aytadı. Qazaqstannıñ osı zamanğı tarihı men sayasi-qoğamdıq ömirinen şınayı aqparat taratqan ardager Baqıtgül apaydıñ ğaziz ruhına tağzım etedi.

The Qazaq Times