احمەتوۆتىڭ جاقتاستارى ازاماتتاردى قازاق ءتىلى ءۇشىن كۇرەسۋگە شاقىردى

8 قىركۇيەك كۇنى "Til Maydani" Youtube ارناسىنىڭ اۆتورى، قازاق تىلىندە قىزمەت كورسەتۋدى تالاپ ەتكەنى ءۇشىن ۇستىنەن قىلمىستىق ءىس قوزعالىپ، ەلدەن كەتكەن قۋات احمەتوۆتىڭ جاقتاستارى الماتىدا ءباسپاسوز جيىنىن وتكىزىپ، ارنايى مالىمدەمە جاسادى. ولار احمەتوۆتىڭ ساياساتكەر نەمەسە شەنەۋنىك ەمەس ەكەن ەسكەرتىپ، ونى قۋدالاۋ قيسىنسىز دەدى. 

"قۋات احمەتوۆ ەلدەن كەتۋگە ءماجبۇر بولدى. ول ەشتەڭە بۇلدىرگەن جوق، ەشقانداي زاڭدى بۇزعان جوق. ارىس پەن تارازداعى جارىلىسقا دا، ەلدەگى جەمقورلىق پەن جاعىمپازدىققا دا، كەرەك دەسەڭىز، ادىلەتسىز سايلاۋعا دا قاتىسى جوق. ول – بىزدەر سياقتى قاراپايىم ازاماتتىڭ ءبىرى. ونىڭ بار كىناسى – مەملەكەتتىك تىلدە قىزمەت كورسەتۋدى تالاپ ەتۋ جانە قازاقستان رەسپۋبليكاسىنىڭ زاڭدارىنا سايكەس، بارلىق جەردە ەكى تىلدەگى ءماتىننىڭ بولۋىن تالاپ ەتۋ. بۇل – تەك قۋات احمەتوۆتىڭ تالابى ەمەس، ءوزىنىڭ انا تىلىندە اقپارات العىسى كەلەتىن ميلليونداعان قازاقتىلدى ازاماتتاردىڭ تالابى" دەدى ساياساتتانۋشى دوس كوشىم.

تامىزدىڭ اياعىندا ەلدەن كەتىپ، ۋكراينادا تۇرىپ جاتقان احمەتوۆتىڭ ادۆوكاتى ابزال قۇسپاننىڭ ايتۋىنشا،  بەلسەندىنىڭ ۇستىنەن قىلمىستىق ءىس قوزعالعان-قوزعالماعانى ءالى بەلگىسىز.

"باس پروكۋراتۋرا وسى وقيعاعا بايلانىستى قىلمىستىق كودەكستىڭ 174-بابى ("الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ") بويىنشا قىلمىستىق ءىس قوزعادى. بۇل ناقتى فاكت بويىنشا. ال ناقتى قۋاتتىڭ وزىنەن ۇستىنەن قىلمىستىق ءىس قوزعالعان-قوزعالماعانى بەلگىسىز. فاكت بويىنشا قىلىمىستىق ءىس قوزعالعانىن ەستىگەن بەتتە قۋاتتى ەلدەن شىعارىپ جىبەرۋگە تۋرا كەلدى.  نەگىزى قۋات ەلگە قايتىپ كەلۋدى قالاپ وتىر. ونىڭ جالعىز شارتى بار: جوعارى لاۋازىمدى بيلىك وكىلەدەرى نەمەسە قۇقىق قورعاۋ ورگاندارى تاراپىنان قۋات احمەتوۆكە قاتىستى ەشقانداي قىلمىستىق ءىس قوزعالماعانى جايلى مالىمدەمە جاسالسا جەتىپ جاتىر. ەلدە ونىڭ كەلمەت جاسىنا تولماعان ءتورت بالاسى، قارت اناسى قالدى. ولار قۋاتتىڭ كومەگىنە ءزارۋ" دەيدى ادۆوكات ابزال قۇسپان.

ول "Til Maydani" Youtube ارناسىندا جاريالانعان ۆيدەولاردا ەشقانداي ۇلارازدىقدى قوزدىرۋ ارەكەتەرى جوق ەكەنىنە سەنىمدى. سوندىقتان بۇل قوزعالىس ءوز جۇمىسىن جالعاستىرۋ كەرەك دەپ ەسەپتەيدى.

"ۇلتىمىزدىڭ، مەملەكەتىمىزدىڭ ءتىلىن ءتىرىلتۋ، شىن مانىندە قاجەتتىلىككە اينالدىرۋدىڭ جالعىز جولى – ونى بارلىق سالادا قولدانۋ; بارلىق جەردە قازاق تىلىندە سويلەۋ، بارلىق جەردە قازاق تىلىندە جازۋ. قۋات احمەتوۆتى قولداۋدىڭ جالعىز جولى – قۋاتتىڭ، «ءتىل مايداننىڭ» جۇمىسىن ودان ءارى جالعاستىرۋ. بۇل – «مەن – قازاقپىن» دەگەن ءاربىر ادامنىڭ قاسيەتتى مىندەتى!" دەدى ابزال قۇسپان.

"Til Maydani" Youtube ارناسىنىڭ اۆتورى، بەلسەندى قۋات احمەتوۆ 31 تامىزدان بەرى كيەۆتە تۇرىپ جاتىر. 24 تامىزدا رەسەيلىك "ريا نوۆوستي" اقپارات اگەنتتىگى قازاقستاننىڭ باس پروكۋراتۋراسىنا سىلتەپ، احمەتوۆتىڭ ساۋدا ورىندارىن ارالاپ، قازاقشا قىزمەت كورسەتۋدى تالاپ ەتەتىن ۆيدەولارى بويىنشا ۇلت ارازدىعىن قوزدىرۋ بابىمەن ءىس قوزعالعانىن حابارلاعان.

احمەتوۆ بۇعان دەيىن دە ساۋدا ورىندارى مەن مەملەكەتتىك مەكەمەلەرگە بارىپ، قىزمەتكەرلەرىنە قازاق تىلىندە قىزمەت كورسەتۋىن سۇراپ ۆيدەو تۇسىرگەن. كەي قىزمەتكەرلەر قازاقشا سويلەۋگە مىندەتتى ەمەس ەكەنىن ايتسا، كەيبىرى كەشىرىم سۇراعان.

The Qazaq Times