جامبىل وبلىسىندا جارىلعان اسكەري قويماعا وتەر جولداعى پوست. 30 تامىز 2021 جىل. فوتو: QT / كۇلتەگىن اسپانۇلى

قورعانىس مينيسترلىگىنىڭ باس ينسپەكتسيا باسقارماسىنىڭ باسشىسى، پولكوۆنيك جۇمابەك حاسەنوۆ وقيعا ورنىندا QT تىلشىسىنە بەرگەن جاۋابىندا بۇگىن 3 ءمايىتتىڭ جەكە دەرەگى انىقتالعانىن حابارلادى.

وقيعا ورنىندا ىزدەستىرۋ جۇمىسىنىڭ ەسەبىن كۇتىپ وتىرعان، ءىز-ءتۇسسىز جوعالعان ەكى جىگىتتىڭ تۋىستارىنا مينيسترلىكتىڭ رەسمي وكىلى بىرنەشە ساعاتتا ءبىر شىعىپ، جاعدايدى بايانداپ تۇر. ۆەدومستۆو وكىلىن ورتاعا العان توپ جاقىندارىنىڭ كوز جۇمعانى يا ءتىرى ەكەنى تۋرالى سۇراققا الدى.

 «تولىق قورىتىندى شىقتى. 3 ءمايىتتىڭ دنق قورىتىندىسى شىمكەنت قالاسىنداعى زەرتحانادا زەردەلەندى. وسىندا توسىپ وتىرعانداردىڭ الدىنا جاي كەلمەس ءۇشىن الدىن الا سۇراتىپ الدىم. ناقتى ءتىزىمى كەشكىسىن 19.00-گە دەيىن جاريالاناتىن بولادى»، – دەدى مينيسترلىك وكىلى جۇمابەك حاسەنوۆ.

ساعات 15.00-دەگى دەرەك بويىنشا، جارىلىس بولعان اسكەري ءبولىمنىڭ اۋماعىندا 500-دەن اسا مامان ەكى ادامدى ىزدەستىرىپ جاتىر.

 «توپىراقتىڭ بيىكتىگى 5-10 مەتر، ساپەرلەر بار ايماقتى ءجىتى وقاراپ، كۇرەكپەن قازىپ جاتىر. تەحنيكامەن اينالانىڭ ءبارىن قازبالاي المايمىز. ەگەر مۇردە جاتقان بولسا، ونى ءبۇلدىرىپ الۋى مۇمكىن. بەينەجازباعا قاراعاندا، جارىلىس ءتولوىنى نەگىزىنەن قويمانىڭ وڭ جاعىن قاتتى سوققىلاعان. سول جاعىنداعىلاردىڭ كوبى جارالانسا دا ءتىرى قالعان. حاتتاما بويىنشا، وندا ەكىنىڭ ءبىرى كىرىپ-شىعا المايدى. جارىلىستىڭ قاتەرى تولىق جويىلىپ، قاۋىپ سەيىلدى دەگەن شەشىم شىقپايىنشا، ءبىزدىڭ ءوزىمىز جولاي المايمىز. تەك ارنايى ماماندار جۇمىس ىستەپ ءجۇر»، – دەدى ول.

قاينار اۋىلىنىڭ كىرەبەرىسىندە اسكەري پوست ورناتىلعان. وندا تەك تۇرعىندار مەن اسكەريلەر، قالپىنا كەلتىرۋ توبىنىڭ وكىلدەرى عانا وتە الادى.

The Qazaq Times