اقش گەرمانيادا ۋكرايناعا كومەككە بەرىلگەن تەحنيكالاردى پايدالانۋ بويىنشا ۋكراين اسكەريلەرىن جاتتىقتىرىپ جاتىر. بۇل تۋرالى اقش قورعانىس مينيسترلىگىنىڭ وكىلى جون كيربي مالىمدەدى.
پەنتاگوننىڭ رەسمي وكىلى جون كيربي مالىمدەمەسىندە رەسەي پرەزيدەنتى ۆلاديمير ءپۋتيندى قاتتى سىنعا الدى. ول سوزىندە: ء"پۋتيننىڭ پسيحولوگياسى تۋرالى ايتا المايمىن. ونىڭ ۋكراينادا نە ىستەگەنىن، ونىڭ كۇشتەرىنىڭ نە ىستەگەنىنە قاراپ ەشكىم ونى اقتاپ الا الماسى انىق. كەي كارتينادان ۆلاديمير ءپۋتيننىڭ دۇرىس ويلاي الاتىنىنا كۇمانمەن قارايمىن. ءپۋتيننىڭ پسيحولوگياسى تۋرالى ايتا الماسام دا، ونىڭ ازعىندىعى تۋرالى ءبارىمىز دە ايتا الامىز دەپ ويلايمىن", – دەگەن. اقش قورعانىسم مينيسترلىگى رەسمي وكىلىنىڭ بۇل ءسوزى اقپارات قۇرالدارىندا قىزۋ تاقىرىپقا اينالدى.
پەنتاگون وكىلى اپتا سوڭىنداعى مالىمدەمەسىندە، گەرمانيادا ءوتىپ جاتقان ۋكراينا قارۋلى كۇشتەرىنە ارنالعان وقىتۋ باعدارلاماسى باستالىپ كەتتى، ال امەريكالىق ارتيللەريا قارۋلارى جانە رادار جۇيەلەرىن سوعىس جاعدايىندا پايدالانۋ بويىنشا وقۋ-جاتتىعۋلاردىڭ العاشقى كەزەڭى اياقتالىپ ۇلگەرگەن.
كيربيدىڭ سوزىنشە ۋكراين اسكەريلەرىن وقىتۋ باعدارلاماسىندا رادار، ارتيللەريالىق قارۋلاردى پايدالانۋدان تىس، ۋكراينا قارۋلى كۇشتەرىنىڭ دونباسس ايماعىنداعى سوعىستا رەسەيدىڭ شابۋىلدارىنا قارسى كۇرەسۋ قابىلەتىن ارتتىراتىن باعدارلامالار دا بار.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى