Jambıl oblısında jarılğan äskeri qoymağa öter joldağı post. 30 tamız 2021 jıl. Foto: QT / Kültegin Aspanwlı

Qorğanıs ministrliginiñ Bas inspekciya basqarmasınıñ basşısı, polkovnik Jwmabek Hasenov oqiğa ornında QT tilşisine bergen jauabında bügin 3 mäyittiñ jeke deregi anıqtalğanın habarladı.

Oqiğa ornında izdestiru jwmısınıñ esebin kütip otırğan, iz-tüssiz joğalğan eki jigittiñ tuıstarına ministrliktiñ resmi ökili birneşe sağatta bir şığıp, jağdaydı bayandap twr. Vedomstvo ökilin ortağa alğan top jaqındarınıñ köz jwmğanı ya tiri ekeni turalı swraqqa aldı.

 «Tolıq qorıtındı şıqtı. 3 mäyittiñ DNQ qorıtındısı Şımkent qalasındağı zerthanada zerdelendi. Osında tosıp otırğandardıñ aldına jay kelmes üşin aldın ala swratıp aldım. Naqtı tizimi keşkisin 19.00-ge deyin jariyalanatın boladı», – dedi ministrlik ökili Jwmabek Hasenov.

Sağat 15.00-degi derek boyınşa, jarılıs bolğan äskeri bölimniñ aumağında 500-den asa maman eki adamdı izdestirip jatır.

 «Topıraqtıñ biiktigi 5-10 metr, saperler bar aymaqtı jiti öqarap, kürekpen qazıp jatır. Tehnikamen aynalanıñ bärin qazbalay almaymız. Eger mürde jatqan bolsa, onı büldirip aluı mümkin. Beynejazbağa qarağanda, jarılıs tolöını negizinen qoymanıñ oñ jağın qattı soqqılağan. Sol jağındağılardıñ köbi jaralansa da tiri qalğan. Hattama boyınşa, onda ekiniñ biri kirip-şığa almaydı. Jarılıstıñ qateri tolıq joyılıp, qauip seyildi degen şeşim şıqpayınşa, bizdiñ özimiz jolay almaymız. Tek arnayı mamandar jwmıs istep jür», – dedi ol.

Qaynar auılınıñ kireberisinde äskeri post ornatılğan. Onda tek twrğındar men äskeriler, qalpına keltiru tobınıñ ökilderi ğana öte aladı.

The Qazaq Times