الماتى قالاسىندا ءتورتىنشى تولقىن قاۋپى سەيىلەر ەمەس، تاپ قازىر 19 مىڭنان اسا ادام ەمدەلىپ جاتىر. قازىر رەزەرۆتەگى توسەك-ورىنداردى قوسا ەسەپتەگەندە ستاتسيونارلاردا 67% ورىن تولعان.
قوعامدىق دەنساۋلىق ساقتاۋ باسقارماسىنىڭ مالىمەتىنشە، وتكەن تاۋلىكتە تىركەلگەن 1517 ادامنىڭ 1429-ى سيمپتوم بەلگىلەرىمەن، تاعى 88 ادام سيمپتومسىز تۇردە تىركەلگەن. 16 تامىزدا 651 ادام اۋرۋحاناعا جاتقىزىلعان. بۇل وزگە ايلارداعى كورسەتكىشتەن الدەقايدا جوعارى.
جالپى قالادا سىيىمدىلىعى 8910 ورىن بولاتىن ينفەكتسيالىق ستاتسيونارلاردا 5963 ادام ەمدەلىپ جاتىر. ولاردىڭ اراسىندا 195 بالا توسەككە تاڭىلعان. ال رەانيماتسيا جانە قارقىندى تەراپيا بولىمدەرىندە 430 ناۋقاس جاتىر. 65 ادام ءوجج، 173 ناۋقاس ءينۆازيۆتى ەمەس ءوجج-ىمەن جانە 180 سىرقات High flow اپپاراتىمەن تىنىستاپ جاتىر. سونداي-اق، بمسك مەن تەلەمەديتسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 13 221 ناۋقاس امبۋلاتورلىق دەڭگەيدە باقىلاۋعا الىنعان.
رەسمي دەرەككە قاراعاندا، الماتى قالاسىندا بيىل اقپاننان بەرى 818 مىڭ ادام ەكپەنىڭ العاشقى، ونىڭ ىشىندە 647 مىڭى تولىق دوزاسىن العان. اكىمدىك مالىمەتىنشە، ازىرگە 160 ەگۋ پۋنكتى مەن 237 ەگۋ بريگاداسىندا 1028 مەدقىزمەتكەر جۇمىس ىستەيدى. جالپى پاندەميا باستالعالى قالادا 130 مىڭنان اسا ادام اۋىرعان، ونىڭ 23 مىڭنان استامى كەيىنگى ەكى اپتادا انىقتالعان.
ەپيداحۋالدىڭ ناشارلاۋىنا بايلانىستى قالىپتى جاعدايداعى 7011 توسەك-ورىن 8910-عا دەيىن كوبەيتىلگەن. ستاتسيونارلارداعى ورىن سانى ارتىپ، ءتىپتى جاڭا رەزەرۆتىك فيليالدار ۋاقىتشا ىسكە قوسىلعان.
جۇمىس كۇندەرى كۇشەيگەن شەكتەۋمەن ىستەپ، دەمالىس كۇندەرى جۇمىسىن توقتاتىن ءتۇرلى ۇيىم-مەكەمەلەرگە قاتىستى كارانتين رەجيمى 1 قىركۇيەككە دەيىن ۇزاردى.
قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتى QT رەداكتسياسىنىڭ سۇراۋىمەن كوروناۆيرۋس جۇققان سىرقاتتاردى ەمدەۋگە ارنالعان توسەك-ورىندار قورىنىڭ ەسەبىن ۇسىندى:
- ورتالىق قالالىق كلينيكالىق اۋرۋحانادا 700 ورىن بار.
ودان بولەك فيليالدارى:
قالالىق تەرى-ۆەنەرولوگيالىق ديسپانسەرىندە 30;
«A-class Medical» مەدورتالىعىندا 80;
«Astana International» قوناق ۇيىندە 240 ورىن دايىندالعان.
- الماتى قالالىق جەدەل شۇعىل كومەك كورسەتۋ اۋرۋحاناسىندا توسەك قورى جۇزگە ارتىپ، جالپى سانى 400-گە جەتتى.
فيليالدارى:
«وقۋ-كلينيكالىق ورتالىعىندا» جشس 130;
«حاق» مەديتسينالىق ورتالىعىندا 150 ورىن ءازىر تۇر.
- ي.جەكەنوۆا اتىنداعى جۇقپالى اۋرۋلار اۋرۋحاناسىندا (دەگدار كوشەسى، 10/2) 540;
«قالالىق رەۆماتولوگيالىق ورتالىقتا» 80;
«مەديتسينالىق كومەك ورتالىعىندا» جشس 125;
س. اسفەندياروۆ اتىنداعى قازۇمۋ جاڭا جاتاقحاناسى بازاسىندا 520 توسەك-ورىن جۇكتەمەسى قامتاماسىز ەتىلدى.
- «فتيزيوپۋلمونولوگيا ورتالىعىنا» قاراستى «حالىق ارەنا» فيليالىندا 1000 توسەك-ورىنعا شاقتالعان ستاتسيونار جۇمىس ىستەپ كەلەدى.
تۋبەركۋلەزگە قارسى ديسپانسەرىندە 100;
- قالالىق №4 كوپسالالى اۋرۋحانادا 60;
گۋمانيتارلىق-پەداگوگيكالىق كوللەدجىنىڭ جاتاقحاناسىنىڭ بازاسىندا 300 ورىن قۇرىلعان.
- «قالالىق كارديولوگيالىق ورتالىعى» جۇرەك-قانتامىر جۇيەسى اۋرۋلارى بار كۆي ينفەكتسياسىن جۇقتىرعان ناۋقاستاردى ەمدەۋ ءۇشىن جۇقپالى اۋرۋلار اۋرۋحاناسىنا اۋىستىرىلدى.
«Astra» قوناق ۇيىندە 160 ورىن بار.
- ۇوس مۇگەدەكتەرىنە ارنالعان گوسپيتالىندە 100 ورىن دايىندالعان.
وسىعان دەيىن باس سانيتار دارىگەر جانداربەك بەكشين ءبىر كۇندە اۋرۋحاناعا جاتقىزىلعاندار سانى 500-دەن اسسا، قالادا لوكداۋن كۇشەيتىلىپ، بلوك-بەكەت قويىلاتىنى تۋرالى ناۋرىز ايىنداعى كريتەريدىڭ قازىر كۇشىن جويعانىن مالىمدەگەن.
بەكشيننىڭ بولجاۋىنشا, شىلدە ايىندا باستالعان ءتورتىنشى تولقىننىڭ شارىقتاۋ شەگى 11-12 تامىز كۇندەرى ءوتۋى كەرەك بولعان. دەگەنمەن ءالى دە الماتى قالاسى رەسپۋبليكاداعى ەڭ ۇلكەن ىندەت وشاعى رەتىندە تاۋلىگىنە 1,5 مىڭنان كەم ەمەس جاعداي تىركەلىپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟