دجو بايدەن پۋتينمەن كەزدەسۋىندە ادام قۇقىقتارى ماسەلەسىن كوتەرمەك. اق ءۇي باسشىسى دەلاۆەر شتاتىنداعى ەسكە الۋ كۇنىنە وراي وتكەن جيىندا وسىلاي دەپ مالىمدەدى. بۇعان دەيىن ول تاياۋدا قىتاي توراعاسى سي تسزينپينمەن دە وسى ماسەلەنى كوتەرگەن.
ەكى ەل باسشىلارىنىڭ رەسمي كەزدەسۋى 16 ماۋسىمدا جەنەۆادا وتپەك. رەسەيدەگى ازاماتتىق قوعامعا بيلىك تاراپىنان جاسالعان قىسىم، ساياسي بەلسەندىلەردى قۋدالاۋ جانە ءسوز بوستاندىعى ماسەلەسىنە الاڭداۋشىلىق بىلدىرگەن بايدەن پۋتينمەن ءدال وسى ماسەلەنى تالقىلاماق. سونىمەن قاتار كرەمل سىنشىسى، وپپوزيتسيونەر الەكسەي ناۆالنىيدىڭ جاعدايى دا ايتىلۋى ءتيىس. ال ماۋسىمدا بايدەن پرەزيدەنت رەتىندە ەۋروپا ەلدەرىنە العاشقى ساپارىنا شىعادى.
پرەزيدەنت رەتىندە بايدەن رەسەي باسشىسىمەن ءبىرىنشى رەت كەلىسسوز جۇرگىزبەك. 2011 جىلى بايدەن باراك وباما اكىمشىلىگىندە ۆيتسە-پرەزيدەنت، پۋتين رەسەي پرەمەرى كەزىندە كەزدەسۋ وتكىزگەن.
24 مامىردا اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى مەن رەسەي قاۋىپسىزدىك كەڭەسىنىڭ باسشىسى نيكولاي پاترۋشەۆ سويلەسكەن. قۇجاتتا ۆاشينگتون مەن ماسكەۋ قارىم-قاتىناستى رەتتەۋگە مۇددەلى ەكەنى دە جازىلعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى