Американың Ирактағы әскери миссиясы биылғы жылдың соңына дейін аяқталады. 

Джо Байден Ирактың премьер-министрі Мұстафа әл-Казымимен кездесуінде осы жаңалықты жария етті. Сондай-ақ Ақ үй басшысы Уашингтон мен Бағдат арасындағы лаңкестікке қарсы күрес бойынша ынтымақтастық жалғаса беретінін жеткізді. Байден америкалық мамандар Ирактың қауіпсіздік күштерін оқыту, үйрету және оларға кеңес берумен айналысады.

Байден мәлімдемесінде: «Біз қауіпсіздік саласындағы ынтымақтастыққа басымдық береміз. «ДАИШ»-қа қарсы бірлескен күрестің аймақтағы тұрақтылық үшін маңызы зор. Лаңкестікпен күрес жолындағы ортақ іс-әрекетіміз жалғасады», – деді.

Қазір Иракта АҚШ-тың шамамен 2500 әскері бар. Байден Таяу Шығыстағы терроризммен күресті тоқтатпайтынын айтып, бірақ негізгі назарды Қытайға бұратынын мәлімдеді. Вашингтон қазір АҚШ үшін Қытай әрекеті қауіпсіздікке қауіп төндіреді деп есептейді.

Мұнымен қатар, Ирак премьер-министрімен келіссөз кезінде АҚШ президенті коронавирусқа қарсы вакцина жіберуге уәде етті.

"The Qazaq Times"