قازاقستان بوكسشىسى قامشىبەك قوڭقاباەۆ توكيوداعى وليمپيادا ويىندارىنىڭ جارتىلاي فينالىندا جەڭىلىپ، قولا جۇلدە يەلەندى.
91+ كيلوگرام سالماقتا سىنعا تۇسكەن قوڭقاباەۆ 4 تامىز كۇنى وتكەن جارتىلاي فينالدا اقش بوكسشىسى ريچارد توررەستەن مەرزىمىنەن بۇرىن جەڭىلدى. ءۇشىنشى راۋندتا مۇرىنى جارىلعان قامشىبەك قوڭقاباەۆقا رينگتەگى رەفەري جەكپە-جەكتى سوڭىنا دەيىن جالعاستىرۋعا رۇقسات بەرگەن جوق. كەزدەسۋ توقتاتىلعان ساتتە قوڭقاباەۆ قارسىلاسىنان 0-5 ەسەبىمەن جەڭىلىپ جاتتى.
29 جاستاعى قوڭقابەۆتى جەڭگەن 20 جاستاعى ريچارد توررەس ەندى فينالدا الەم چەمپيونى، ازيانىڭ ءۇش دۇركىن جەڭىمپازى، وزبەكستان بوكسشىسى باحودير جالولوۆقا قارسى جۇدىرىقتاسادى. جالولوۆ جارتىلاي فينالدا بريتانيالىق فرەيزەر كلاركتى جەڭدى.
قوڭقاباەۆ – توكيدا جۇلدە العان قازاقستاندىق العاشقى بوكسشى. قازاقستان قۇراماسىنىڭ تاعى ءبىر بوكسشىسى ساكەن بيبوسىنوۆ (52 كيلوگرام) 5 تامىز كۇنى جارتىلاي فينالدا ۇلىبريتانيالىق گالال يافايعا قارسى جۇدىرىقتاسادى. قازاقستاننىڭ قالعان بوكسشىلارى جارىس جولىنان شىعىپ، جۇلدەسىز قالدى.
قازاقستان قۇراماسىنان توكيودا دزيۋدوشى ەلدوس سمەتوۆ، اۋىر اتلەتتەر يگور سون جانە ءزۇلفيا چينشانلو قولا مەدال العان. 4 تامىزداعى جاعداي بويىنشا، قازاقستان ءتورت قولا مەدالمەن كوماندالىق ەسەپتە 75-ورىندا تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟