قازاقستان بوكسشىسى ساكەن بيبوسىنوۆ توكيوداعى وليمپيادا ويىندارىنىڭ جارتىلاي فينالىنا شىقتى. ەندى ونىڭ قورجىنىندا كەمى قولا جۇلدە بار.
52 كيلوگرام سالماقتا سىنعا ءتۇسىپ جاتقان بيبوسىنوۆ 3 تامىز كۇنى وتكەن شيرەك فينالدا يسپان بوكسشىسى گابريەل ەسكوباردى 3-2 ەسەبىمەن جەڭدى. ول قارسىلاسىن ءبىرىنشى راۋندتا ءبىر رەت نوكداۋنعا ءتۇسىردى.
بيبوسىنوۆ ەندى جارتىلاي فينالدا ۇلىبريتانيا بوكسشىسى گالال يافايعا قارسى جۇدىرىقتاسادى. يافاي شيرەك فينالدا 2017 جىلعى الەم چەمپيونى كۋبالىق يوسۆاني ۆەيتيانى جەڭدى.
يافاي مەن بيبوسىنوۆ اراسىنداعى جارتىلاي فينالدىق جەكپە-جەك 5 تامىز كۇنى وتەدى. جەڭگەن بوكسشى اقتىق سىندا كارلو پاالام (فيليپپين)-ريومەي تاناكا (جاپونيا) جۇبىنىڭ جەڭىمپازىمەن التىن مەدالعا تالاسادى.
بيبوسىنوۆ – جارتىلاي فينالعا جولداما العان قازاقستاندىق ەكىنشى بوكسشى. بۇعان دەيىن اسا اۋىر سالماقتا جۇدىرىقتاساتىن قامشىبەك قوڭقاباەۆ جارتىلاي فينالعا شىققان.
بۇگىن شيرەك فينالدا زاكىر سافيۋللين (63كگ) جۇدىرىقتاسادى. قازاقستاننىڭ قالعان بوكسشىلارى جارىس جولىنان شىعىپ، جۇلدەسىز قالدى.
قازاقستان قۇراماسىنان توكيودا دزيۋدوشى ەلدوس سمەتوۆ، اۋىر اتلەتتەر يگور سون جانە ءزۇلفيا چينشانلو قولا مەدال العان. 3 تامىزداعى جاعداي بويىنشا، قازاقستان ءۇش قولا مەدالمەن كوماندالىق ەسەپتە 71-ورىندا تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟