جاز ورتاسىندا سىرقاتتار سانى كۇرت وسكەن قازاقستاندا كوروناۆيرۋستىڭ ءتورتىنشى تولقىنى رەكوردىق ءمانى كۇن سايىن جاڭارىپ جاتىر. كوروناۆيرۋس پەن وسى تەكتەس پنەۆمونياعا شالدىققاندار سانى تاعى 5804 ادامعا كوبەيدى. بەيسەنبى كۇنى 57 ادام كوز جۇمدى.
دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە 16 شىلدەدە كوروناۆيرۋس (كۆي+) جۇققان 5658 ادام، ال 15-ءى كوروناۆيرۋس پنەۆمونياسىنا (كۆي-) شالدىققان 146 ادام تىركەلدى. قازىر ەلدە 53 مىڭعا تارتا ادام (كۆي+ بويىنشا 51 895, كۆي- بويىنشا 1629) اۋىرىپ جاتىر.
#COVID پتر تەستى ارقىلى كوروناۆيرۋس جۇققانى راستالعان ناۋقاستار قاتارى تاعى ارتتى. ولاردىڭ باسىم بولىگى ادەتتەگىدەي استانا (1547), الماتى قالاسى (891) جانە قاراعاندى وبلىسىندا (704) تىركەلدى. بۇدان وزگە شىمكەنت (368), اتىراۋ (342), بقو (289), اقتوبە (205), ماڭعىستاۋ (180), پاۆلودار (185), اقمولا (180) وبلىستارىندا دەرت ۇدەپ تۇر. وتكەن تاۋلىكتە 3241 ادام ايىعىپ ۇيىنە شىعارىلعان. وسى بەيسەنبىدە جيىنى 45 ادام قايتىس بولعان.
#COVID_پنەۆمونياسى 15 شىلدەدە اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 146 ناۋقاس ەسەپكە الىندى. ۆەدومستۆو دەرەگىنشە، سىرقاتتار استانا (24), شىمكەنت (19), جامبىل (18), الماتى جانە اتىراۋ، اقمولا (ارقايسىندا ون بىردەن) وبلىستارىندا كوپتەپ انىقتالعان. سونىمەن قوسا، 68 ادام ايىعىپ شىققان، تاعى 12 ادام كوز جۇمعان.
#جالپى دەنمين دەرەگىنە قاراعاندا، ەمدەلىپ جاتقان 52 895 ناۋقاستىڭ 16,5 مىڭنان استامى اۋرۋحانادا، 36 مىڭى امبۋلاتورلىق باقىلاۋدا. 975 ناۋقاستىڭ جاعدايى ناشار، ونداعى 241 ادامنىڭ ءحالى وتە اۋىر. بۇدان وزگە 123 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
ۆيرۋستىڭ تارالۋ قاتەرى جاعىنان 10 وبلىس پەن 3 مەگاپوليس «قىزىل ايماقتا». ولار: استانا، الماتى، شىمكەنت قالالارى مەن اقمولا، اتىراۋ، اقتوبە، بقو، قاراعاندى، ماڭعىستاۋ، قوستاناي، قىزىلوردا، سقو، پاۆلودار وبلىستارى. ال الماتى جانە جامبىل وڭىرلەرى «سارى ايماقتا» تۇر. قازاقستان تۇستاس قىزىل رەڭگە بويالدى.
دەنمين حابارىنشا, 1 شىلدەدە پتر سكرينينگى نەگىزىندە 414 سىناما جۇرگىزىلگەن. سايكەسىنشە، بارلىق ۇلگىنىڭ 48,3%-ىنان قازاقستاننىڭ تۇگەل ايماعىنان ۇندىستاندىق «دەلتا» شتامى انىقتالعان. ۇكىمەت مالىمەتىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق جانە ۇندىستاندىق شتامدارى انىقتالعان.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 483 مىڭنان، 1 تامىزدان بىلايعى كوروناۆيرۋس پنەۆمونياسى 58 مىڭنان اسقان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 541 مىڭنان اسقان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميا باستالعالى جالپى ۆيرۋس جۇققانداردان 10 808 ادام (كۆي+ / U07.1 – 4909, كۆي- / U07.2 – 3532, ىلەسپە اۋرۋلاردان – 2367) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە Worldometers دەرەكقورى، دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 44-ورىندا تۇر.
ۇكىمەتتىڭ سوڭعى دەرەگىنە قاراعاندا، قازاقستاندا 2 ملن 731 مىڭ ادام كوروناۆيرۋسقا قارسى ۆاكتسينانى تولىق العان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟