الماتىدا قولدان پتر-انىقتاما جاساعان جانە كوروناۆيرۋسقا قارسى ۆاكتسينانىڭ جالعان پاسپورتىن ساتقان مەديتسينا قىزمەتكەرلەرى ۇستالدى. بۇل تۋرالى دۇيسەنبى كۇنى Polisia.kz سايتى حابارلادى.

پوليتسيا مالىمەتىنشە، پتر-انىقتامانى قولدان جاساۋ قىلمىسىنا "دوستار مەد" جانە "سۇڭكار" جەكە مەديتسينالىق ورتالىقتىڭ كەيبىر قىزمەتكەرلەرىنىڭ قاتىسى بار.

ء"بىرىنشى جاعدايدا كلينيكاداعى زەرتحانانىڭ جۇمىسشىسى ورتالىقتىڭ ەكى مەدبيكەسىنىڭ كومەگىمەن بيوماتەريال الماي-اق ناتيجەسى تەرىس پتر تەست جۇرگىزىپ، سول ءۇشىن اقشالاي سىياقى العان. ءبىراز ۋاقىت وتكەن سوڭ "سۇڭقار" مەديتسينا ورتالىعىنىڭ دارىگەر-ەندوسكوپيسى ۇستالدى" دەلىنگەن پوليتسيا حابارلاماسىندا.

ونداعى اقپاراتقا سايكەس، كوروناۆيرۋسقا قارسى ۆاكتسينانىڭ جالعان پاسپورتىن جاساعان №4 اۋرۋحانا قىزمەتكەرى دە ۇستالعان. ول سول "قىزمەتى ءۇشىن 15 مىڭ تەڭگە العانىن مويىنداعان". قىلمىستىق كودەكستىڭ 385-بابى بويىنشا ("جالعان قۇجاتتاردى، مورلەردi, بلانكىلەردى، مەملەكەتتiك پوشتا تولەمى بەلگىلەرىن، مەملەكەتتiك ناگرادالاردى قولدان جاساۋ، دايىنداۋ نەمەسە وتكiزۋ") سوتقا دەيىنگى تەرگەۋ امالدارى باستالعان. بۇل باپ بويىنشا 4 جىلعا دەيىن باس بوستاندىقتان ايىرۋ جازاسى قاراستىرىلعان.

ىشكى ىستەر مينيسترلىگىنىڭ ءباسپاسوز قىزمەتىنە سۇيەنگەن Vlast سايتىنىڭ جازۋىنشا، شىلدە ايىنان بەرى استانادا پتر-انىقتامانى قولداۋ جاساۋ ءىسى بويىنشا ەكى فاكت تىركەلگەن. جەكە مەديتسينالىق ورتالىقتىڭ باسشىسى ۇستالعان. بۇعان قوسا، ءىىم شەتەلدە جۇرگەن قازاقستاندىقتىڭ جالعان انىقتاما ساتۋمەن اينالىسقانىن حابارلادى. ول بويىنشا دا قىلمىستىق ىستەر قوزعالعان.

بۇعان دەيىن الماتىداعى تۋريستىك كومپانيالاردىڭ ءبىرى ادامداردى ساۋد ارابياسىنا قاجىلىققا جىبەرۋ ءۇشىن 143 ۆاكتسينا پاسپورتىن قولدان جاساعان دەپ حابارلانعان ەدى.

وتكەن اپتادا ىشكى ىستەر مينيسترلىگى جالعان ۆاكتسينا پاسپورتىن جاساۋعا قاتىستى ءتورت قىلمىستىق ءىس قوزعالعانىن قايتالاعان. ۆەدومستۆو "جالعان ۆاكتسينا پاسپورتىن جاساۋ جاپپاي سيپات الدى" دەگەن اقپاراتتى جوققا شىعارعان.

"The Qazaq Times"