الماتى قالاسىندا بەلگىسىز بىرەۋلەر وپپوزيتسيا مەن ازاماتتىق قوعام «زاڭ جۇزىندە وتستاۆكاعا كەتكەنىمەن، بيلىكتىڭ بارلىعىن ۋىسىندا ۇستاپ وتىر» دەپ ەسەپتەيتىن ەكس-پرەزيدەنت نازارباەۆقا ارنالعان مۋرالدى «بءۇلدىرىپ كەتتى».
بۇگىن، 8 شىلدەدە Instagram جەلىسىندەگى Qazaq Koktemi Rukh ارت قوزعالىسى مەن Rukh2k19 وپپوزيتسيالىق توبىنىڭ پاراقشاسىندا مۋرالدىڭ وزگەرتىلگەن سۋرەتى پايدا بولدى. وندا بۇرىنعى پرەزيدەنتتىڭ جاس كەزىندەگى سۋرەتى DC Comics-ءتىڭ زۇلىم كەيىپكەرلەرىنىڭ ءبىرى دجوكەرگە ۇقساپ قالعان.
جاروكوۆ جانە مىڭباەۆ كوشەلەرىنىڭ قيىلىسىنداعى گاراج قابىرعاسىنا بەينەلەنگەن مۋرالداعى «ۇلى دالا ۇلى» دەگەن لاتىن تىلىندەگى جازۋ «ۇلى دالا ۇرى» دەپ وزگەرتىلگەن. Forever Young تىركەسىنە «كرەست» قويىلىپ، Cancel دەگەن ءسوز پايدا بولعان.
ۇستانىم-پىكىرىن «كوركەمونەر-كرەاتيۆ تىلدە» ءبىلدىرىپ جۇرگەن ارت-قوزعالىستىڭ ينستا-پاراقشاسىندا ەكس-پرەزيدەنتكە ارنالعان ۇندەۋ دە جاريالاندى:
Qazaq Koktemi-نەن نۇرسۇلتان نازارباەۆقا حات
نۇرسۇلتان،
زاڭنىڭ الدىندا ادامنىڭ ءبارى تەڭ، سەنىڭ دە بارلىق جاۋىزدىعىڭا جاۋاپقا تارتىلاتىن كۇنىڭ الىستا ەمەس.
وزىڭە قانشا ەسكەرتكىش قويساڭ دا، حالىق سەنى تەك قارعىسپەن ەسكە الاتىن بولادى.
وزگەرىستەر تاياپ قالدى.
سەن ۇلى دالا ۇلى ەمەس، ۇلى دالانىڭ ۇرى مەن جاۋىزىسىڭ!
@Rukh2k19 ازاماتتىق پاراقشاسى جاريالاعان سۋرەت. فوتو: Instagram
ازاتتىق راديوسىنىڭ حابارلاۋىنشا، ءتىلشى بەيسەنبى كۇنى تاڭەرتەڭ مۋرالدىڭ پالاتكامەن جابىلعانىن كورگەن. ءبىر قىزىعى، ءوزىن تانىستىرماعان ءبىر توپ ادام كەلىپ تىلشىگە كەدەرگى جاساپ، سۋرەتكە تۇسىرمەۋدى جانە تەلەفوننان دەرەۋ ءوشىرۋدى تالاپ ەتكەن.
وسىعان دەيىن #qazaqkoktemi حەشتەگىمەن نازارباەۆ تۇسىنداعى ساياسات پەن ونىڭ سالدارىن سىنايتىن بىرنەشە جازبا جاريالانعان. ادەتتە قازاقستاندا قۇقىق قورعاۋشىلار ءجيى ايىپتايتىن ەلباسى تۋرالى زاڭنىڭ نەگىزىندە ەرەكشە قۇزىرەتكە يە ەكس-پرەزيدەنت نازارباەۆ تۋرالى اشىق تا وتكىر مالىمدەمە جاساعان ازاماتتاردىڭ تۇگەل دەرلىگى جازاعا تارتىلادى. وتاندىق وناماستيكا سالاسىندا قالىپتاسقان ايىرىقشا نۇرونيمدەر قاتارىندا (30 جىلداي بيلىك ەتكەن بۇرىنعى پرەزيدەنتتىڭ) تۋعان كۇنى قارساڭىندا بوي كوتەرگەن 18-ءىنشى ەسكەرتكىشىندە «ۇلى دالا ۇلى» دەگەن جازۋ قوسارلانىپ قويىلعان ەدى.
جۇرت كوپ سىناعان نازارباەۆتىڭ كەزەكتى ەسكەرتكىشى. تۇركىستان وبلىسى. فوتو: اكىمدىكتىڭ ءباسپاسوز قىزمەتى
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟