قىرعىزستان پرەزيدەنتى سادىر جاپاروۆ ەل بيۋدجەتىن ۇنەمدەۋ ماقچاتىندا «مەملەكەتتىك اپپارات سانىن قىسقارتۋ تۋرالى» جارلىققا قول قويدى. 

كونستيتۋتسيانىڭ 71-بابىنا سايكەس ەندى مەملەكەتتىك ورگانداردىڭ شتاتتىق سانى 30%-عا قىسقارادى. جاپاروۆ ەل بيۋدجەتىن ۇنەمدەپ، كادرلىق تاعايىنداۋدا ساننان ساپاعا كوشۋ كەرەكتىگىن ايتتى.

رەسمي حابارلامادا: «مەملەكەتتىك اتقارۋشى بيلىك جانە باسقارۋ ورگاندارى قۇرىلىمىن وڭتايلاندىرۋ، قوسارلاۋشى جانە ارتىق فۋنكتسيالاردى جويۋ، سونداي-اق مەملەكەتتىك اپپاراتتى ۇستاۋعا قاراستىرىلعان بيۋدجەت قاراجاتىن ۇنەمدەۋ ماقساتىندا، قىرعىزستان رەسپۋبليكاسى كونستيتۋتسياسىنىڭ 71-بابىن باسشىلىققا الا وتىرىپ، قىرعىزستان رەسپۋبليكاسى پرەزيدەنتى اكىمشىلىگى، مينيسترلىكتەر، مەملەكەتتىك كوميتەتتەر، اكىمشىلىك ۆەدومستۆولار، اتقارۋشى بيلىكتىڭ وزگە مەملەكەتتىك ورگاندارى، جەرگىلىكتى مەملەكەتتىك اكىمشىلىكتەر، مەملەكەتتىك ورگانداردىڭ شتاتتىق سانىن 30%-عا قىسقارتۋ قاۋلى ەتىلدى»، – دەلىنگەن.

جارلىق بويىنشا قىرعىز رەسپۋبليكاسىنىڭ مينيسترلەر كابينەتى:

– قىسقارتىلعان قىزمەتكەرلەرگە قىرعىز رەسپۋبليكاسىنىڭ زاڭناماسىنا سايكەس جۇمىستان بوساتۋ تولەمىن تولەۋدى قامتاماسىز ەتۋ;

– قىزمەتكەرلەردى كاسىپكەرلىك قىزمەت نەگىزىندە وقىتۋ بويىنشا قاجەتتى شارالار قابىلداۋ;

– ۇنەمدەلگەن قاراجاتتى ۇكىمەت پەن جەرگىلىكتى ءوزىن-ءوزى باسقارۋ ورگاندارىنىڭ قىزمەتكەرلەرىنىڭ جالاقىسىن كوتەرۋگە باعىتتاۋ تاپسىرىلعان.

جارلىق رەسمي جاريالانعان كۇنىنەن باستاپ كۇشىنە ەنەدى.

"The Qazaq Times"