الماتىدا ءبىر ادامنان كوروناۆيرۋستىڭ "ۇندىستاندىق شتامى" انىقتالدى. بۇل تۋرالى 23 ماۋسىم كۇنگى بريفينگ كەزىندە قالانىڭ باس سانيتار دارىگەرى جانداربەك بەكشين حابارلادى.
"الماتىدا ءبىر ادامنان انىقتالدى. ءبىز ونىمەن قارىم-قاتىناستا بولعان ادامداردىڭ بارلىعىن ەسەپكە الدىق. ول – ءۇي شارۋاسىنداعى ايەل، ۇنەمى ۇيدە وتىرعان. كۇيەۋى ارى-بەرى كوپ جۇرەتىن ماماندىق يەسى، بىراق ول اقپان ايىندا اۋىرىپ شىققان" دەدى بەكشين سارسەنبى كۇنگى بريفينگتە.
ونىڭ ايتۋىنشا، ناتيجەسى وڭ شىققان پتر-تەستەردى تەكسەرىپ شىققان كەزدە 89 پايىزىنان ۆيرۋس مۋتاتسياسى انىقتالعان.
"12-19 ماۋسىم ارالىعىندا مۋتاتسيالانعان شتامداردىڭ اينالىمىن انىقتاۋ ءۇشىن پتر-دياگنوستيكا جۇرگىزدىك. 53 زەرتتەۋدىڭ 44-ىنەن - بريتاندىق شتامم، ەكەۋىنەن – وڭتۇستىكافريكالىق، بىرەۋىنەن نيۋ-يوركتىك شتامم انىقتالدى. قالعان 11 پايىزىندا ۆيرۋس مۋتاتسياسى انىقتالمادى" دەدى بەكشين.
بۇعان دەيىن ەل استاناسىندا دا كوروناۆيرۋستىڭ "ۇندىستاندىق شاتاممى" انىقتالعان. سوعان بايلانىستى ەلوردادا كارانتيندى كۇشەيتۋ تۋرالى شەشىم قابىلداندى. ۆەدومستۆوارالىق كوميسسيا ەلدە قىزمەت كورسەتۋ سالاسىندا ىستەيتىن كومپانيالار مەن ءىرى مەكەمە قىزمەتكەرلەرىنە ۆاكتسينا مىندەتتەۋ تۋرالى ۇسىنىس ايتتى.
كوروناۆيرۋستىڭ ۇندىستاندىق شتامى – SARS-CoV-2 ۆيرۋسىنىڭ ءتورتىنشى نۇسقاسى. دۇنيەجۇزىلىك دەنساۋلىق ساقتاۋ ۇيىمى ونى عالامدىق دەڭگەيدە الاڭداۋشىلىق تۋدىراتىن شتامدار تىزىمىنە ەنگىزگەن. بۇل تىزىمگە ۆيرۋستىڭ تەز جۇعاتىن، اۋرۋدى اسقىندىرىپ جىبەرەتىن جانە ۆاكتسينا مەن ءدارى-دارمەككە بوي بەرمەيتىن تۇرلەرى ەنگەن. ۇندىستاندىق شتامم 70-تەن استام ەلدە انىقتالعان.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن